MUNGSHIKHÜN 3 - AMÜSÜH HÜM CL Bible (BSI)

Arung thsungkheak Yapsu Tamkhüntamnü

¹ O Atungpuh , I riri küdükhüh she la! Ahihkhühnü I azhihde wusuchoh;

² ahihkhühnü I dünkheak, Thrünpuhnü api murung de thachoh.

³ Tüshe O Atungpuh , nü I tsungdojihrü, I müretah, tüsho ku dukoshihrü ah.

⁴ Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

⁵ I atsunga yapchoh; I asürüchoh, tümüde Atungpuhnü I kümdolah.

⁶ I azhihde mükamdoa larü mihtsürü chithürübo inü mütre.

⁷ Asürang, O Atungpuh ! I khümkhitang, O I Thrünpuh! I riribo alala arü ngoro kheak shikang; mihbukmuyuk hü thsümünimjang.

⁸ Akhümkhit ju Atungpuh yo ah; nü müngühmühi nü mihtsürübo kheak lah.