MUNGSHIKHÜN 23 - AMÜSÜH HÜM CL Bible (BSI)

Atungpuh Isa Neakrü

¹ Atungpuh ju I neakbuh ah; I yihnüpü kimkethürü lah.

² Apinü I rimlopungbo aphüyak ching yapshihchoh; apinü I maphapkhi ke yean bechoh.

³ Apinü I sühmüh aso jihchoh; apinü alokhikhi nangde thiyuro-lungki limro ching I bechoh.

⁴ I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

⁵ Nünü I riri miki dükhüm khülang thsakhamchoh, nünü I ku kheak müdangke muju; I pung mikhiukde lah.

⁶ Tsükjide I rhangdung amuyung ching atsü tüsho mihmüthsüm I kheak labah, tüsho I lünnü Atungpuh yam ching labah.