MUNGSHIKHÜN 20 - AMÜSÜH HÜM CL Bible (BSI)

¹ Küpkhuk nimung ching Atungpuhnü nü ki aloshang; Jakob Thrünpuh mungnü nü tsungdoshang!

Akuk Ngükhi Tamkhüntamnü

² Apinü arüngakopung chingnü nü kilim arung arüshang, tüsho Zion chingnü rungzürungdo jihshang.

³ Apinü nü kingaünbo alala lümkhitshang, tüsho nünü taka kingaünkhi leangkhishang.

⁴ Apinü nü mulongnü akünkhi mülüshang, tüsho nü lümkhi alala akuk ngüshang.

⁵ Nü khümkhitkhi ching isanü asühachihbah, tüsho isa Thrünpuh mung ching isanü isa riphin khimbah! Atungpuhnü nünü amushukhi alala akuk ngüshang.

⁶ Kheakü Atungpuhnü api yo mujude-mokhitkhi khümkhitchoh de inü mükheahlah. Api akhümkhit sühmüh tsülim khah hode api amüsüh yinmi chingnü anihbuh ki alobah.

⁷ Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

⁸ Arübo khukning tüsho keamdo; tüshe isa asürü tüsho langde zhiplah.

⁹ Kiulongthsüpuh kilim akuk ngüshang O, Atungpuh ; isanü ajichoki isa ki alojang.