MUNGSHIKHÜN 2 - AMÜSÜH HÜM CL Bible (BSI)

Thrünpuhnü Mokhitkhi Kiulongthsürü

¹ Tümüde trükshihbonü bukakhiukcho, tüsho mihtsürübonü akeangkeang rük asahcho?

² Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

³ “Isanü arü wuhrünliubo yihshakanü, tüsho arü liubo isa kheaknü jipyuka bahanü.”

⁴ Yinmi ching binbuhnü münechoh; Atungpuhnü arü kheah-a münejihbah.

⁵ Judüki apinü abukakhiukde arü ki asukbah, tüsho mulong zhipzhipde arü ki müzünde athabah,

⁶ “I amüsüh wung, Zion kheak inü I kiulongthsüpuh zolah.”

⁷ Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

⁸ I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

⁹ Nünü arübo yinchi tsonü yurijihbah, tüsho alophüh nangde adütre kamshihbah.”

¹⁰ Jumonü kheakü, O kiulongthsürübo, lümlung laang; kurhangang, O alomi yakzanshuhrübo.

¹¹ Tresahde Atungpuh tankihang; tüsho ajande asühachihang.

¹² Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.