MUNGSHIKHÜN 16 - AMÜSÜH HÜM CL Bible (BSI)

¹ I kümdoang, O Thrünpuh, tümüde inü nü kheak tsoyukchoh.

Mulongram Tamkhüntamnü

² Inü Atungpuh ki tha, “Nü I TUN GPU H ah; nü hobah I atsü tümü müla.”

³ Alomi ching lakhi amüsührübo, arübo müretahkhi ching I asühkhi lah.

⁴ Püpürü thrünpuhbo dunglim müshamrü mulong rozhak alü kambah. Arünü laksah-a kingaünkhi ching inü shihcham mulu; inü arü thrünpuhbo mükingaün.

⁵ Atungpuh ju inü amokhitkhi shihcham tüsho I pung; I kuhi nü khah ching lah.

⁶ Aredung kheangkhibo I thsungkheaknü dangpung atsübo ching keamdo; am, I yamrüplurüp atsü lah.

⁷ Inü Atungpuh shichoh, tümütüsho apinü I bechoh, tüsho azhing ching I lümkhinü I ki thachoh.

⁸ Inü kamruhroro Atungpuh I miki lashihlah; tümütüsho api I khah tsülimpeang lah tüsho I matrüt.

⁹ Jumonü I mulong asühde lah, tüsho I me asühachihchoh; I pang she mulonglamkhi ching sühakhimbah.

¹⁰ Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

¹¹ Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.