MUNGSHIKHÜN 15 - AMÜSÜH HÜM CL Bible (BSI)

Thrünpuhnü Tümü Lunecho

¹ Atungpuh nü arüngkhimyam ching she laba? Nü amüsüh wung kheak she laba?

² Shepü lungkide tsahcho, tüsho thiyuro-lungki rhimocho, tüsho api mulong chingnü thiyuro asukcho;

³ Shepünü api mulonü müjipjipraracho, tüsho api müyamrü ki amütsü müthsücho, yungsho api yamhingrü ki azhihde kiubuyu müthacho;

⁴ shepü mük ki amütsü mihtsürü mükhemükimcho, tüsho apinü Atungpuh trerü wüntrecho; shepünü nihbuh yuride thiyuchihchimcho tüsho mümüthricho;

⁵ shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.