MUNGSHIKHÜN 142 - AMÜSÜH HÜM CL Bible (BSI)

¹ Inü I düsheaknü Atungpuh ki zhichoh; I düsheaknü inü Atungpuh ki mushuchoh.

Arung thsungkheak Tamkhüntamnü

² Inü I atsangkhi api ki lude arüchoh; inü I küpkhuk api miki thachoh.

³ Küyimki I me zhidoa lakhea, judüki nünü I tsahpung mükheah. I tsahpung limro ching arünü ramde I thsungkheak müthrim zo.

⁴ I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

⁵ Inü nü ki zhichoh, O Atungpuh : inü tha, Nü I tsoyukpung, arhang lakhi lomi ching I shihcham.

⁶ Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

⁷ Rihyam chingnü I bekhitang, junangde inü nü mung shibah; thiyuro-lungkirünü I zündobah tümüde nünü I ki tsüde arhimobah.