MUNGSHIKHÜN 14 - AMÜSÜH HÜM CL Bible (BSI)

¹ Makharünü api mulong ching thachoh, “Thrünpuh müla.” Arü athsümünim lah, arünü athraneanbe rhimochoh, atsü rhimorü she müla.

Mihtsürübo Mihbukmuyukkhi

² Khürünü lümlung lade rhimode Thrünpuh yimcho shi yungnü akheahpü, Atungpuhnü yinmi chingnü mihtsürübo kheak abinkhia kheahchoh.

³ Arü alala tsophülapdo, arü alala rukhüh athsümünim lah; atsü rhimorü khülang she müla.

⁴ Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

⁵ Arübo tode atrekhi ching labah, tümüde thiyuro-lungki lün bolung Thrünpuh lah.

⁶ Nünü zhochihrü lümkhi achih kipchoh, tüshe Atungpuh ju api tsoyukpung ah.

⁷ O, Israel akhümkhit Zion chingnü arükhülaa! Küyimki Atungpuhnü api mihtsürü aramrü belode arübanü, Jakob asühachihbah tüsho Israel asühbah.