MUNGSHIKHÜN 138 - AMÜSÜH HÜM CL Bible (BSI)

Makshe-jihkhi Tamkhüntamnü

¹ Inü I mulong athrünkhinü nü shijihbah; thrünpuhbo miki inü nü ki mungshikhibo khün thsübah.

² Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

³ Inü nü ki zhi nimung, nünü I ki alojih, tüsho I me ching sühmüh lade I mulong toshih.

⁴ Küyimki arünü nü mün ching nü yubo sobanü, alomi kiulongthsürü alalanü nü shijihbah, O Atungpuh .

⁵ Tüsho arünü Atungpuh limrobo dünkheak khün thsübah, tümüde Atungpuh müretahkhi ju ato lah.

⁶ Atungpuh ju achang kheak lalashe, apinü akheamkhibe kheahyuklah; tüshe apinü akükheangrübo a limshu chingnü mükheahlah.

⁷ I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

⁸ Atungpuhnü I thsungkheak apinü alokhikhi dünjishihbah; O Atungpuh , nü amüthsüm lünnü rünkhiungde lah; nü khah rhimobo dübahyuk.