MUNGSHIKHÜN 137 - AMÜSÜH HÜM CL Bible (BSI)

Ramtso ching Israelrü Tüzhokhi

¹ Babilon ayungbo ki isa bin, küyimki isanü Zion lümkhitkheanü isa trip.

² Ju ching khiukbo kheak isanü isa bingshangbo wuh-a zo.

³ Tümüde isa ramde ayürünü isa ki khün thsüpü tha, isa yankhia lurünü isa ki asühkhi khün thsüpü tha, “Isa ki Zion khün khülang thsang!”

⁴ Küde thsah isanü khiungkerü lomi ching Atungpuh khün thsüpü?

⁵ Inü nü mihsho, O Jirusalem, I khah tsülimnü anihbenü akingsokhi mihshang!

⁶ Inü nü mülümkhitsho, inü Jirusalem ju I achangbe asühkhi mükhejihsho, I mulo I khühlüh kheak dakkihshang.

⁷ O Atungpuh , Edomrünü Jirusalem lungkhi nimung tümü rhimokheanü lümkhitang, arünü zhi, “ Khimtan khiungde, thokheamang, thokheamang!”

⁸ O Babilon tsührübe, shepü athsümünimpü akhua la, nünü isa ki rhimokhi thsungkheak shepünü nü ki jihlobanü asühpü.

⁹ Shepünü nü khungarübo lubah lungtobo kheaknü akingnakbanü asühpü.