MUNGSHIKHÜN 130 - AMÜSÜH HÜM CL Bible (BSI)

Arung thsungkheak Tamkhüntamnü

¹ Asükbo chingnü inü nü ki zhido, O Atungpuh ;

² Atungpuh , I düsheak sojang! Inü amushukhi düsheak lim nü nükhünbo yukde anijang.

³ Atungpuh , nünü amülimbo mütsanmükhisho, O Atungpuh , shenü azhipkhukpü?

⁴ Tüshe nü lung neak bahjihkhi lah, junangde nü trede alabah.

⁵ Inü Atungpuh aleanglah, I menü aleanglah, tüsho api yu inü mulonglamlah.

⁶ Khürünü yapsu kheahkhi kheaknü alü I menü Atungpuh aleangchoh– Inü thachoh, khürünü yapsu kheahkhi kheaknü alü ah.

⁷ O Israel, Atungpuh kheak mulonglamang; tümüde Atungpuh lung mihmüthsüm lah. Tüsho api lung arhokhitkhi muzhomopungde lah.

⁸ Tüsho apinü anihbuh mülimkhibo alala chingnü Israel rhokhitbah.