MUNGSHIKHÜN 13 - AMÜSÜH HÜM CL Bible (BSI)

¹ O Atungpuh , külokhüh nünü lünnü I mihabahba? Külokhüh I kheaknü nü miro jikba?

² Külokhüh inü lümkhilümduhba, tüsho nimung aban mulong rozhak laba? Külokhüh I kumung I riri shuhkihba?

³ Lümakheahang, tüsho I ki alojang, O Atungpuh ; I mük müsüshang, jude yungsho I ayapyamnü sheabahbah;

⁴ I ririnü athabah, “Inü api kukdo”; tüsho I keamchoki I riribo asühachihbah.

⁵ Tüshe inü nü amüthsüm ching kinchoh; I mulongnü nü akhümkhit ching asühchoh.

⁶ Inü Atungpuh ki khün thsübah, tümüde apinü I ki tsüde lado.