MUNGSHIKHÜN 128 - AMÜSÜH HÜM CL Bible (BSI)

¹ Shepünü Atungpuh trecho, shepünü api limrobo ching tsahchonü müngühmühi.

Atungpuh ki Mihyuanikhi Thsambah

² Küyimki nünü nü khahnü arhimokhi tsühbanü, nü asühbah, tüsho nü tsüde alabah.

³ Nü niube ju nü yam ching aso asokhi kurungaso nangde alabah, tüsho nü tsührübo ju nü dükhüm mükamde oliv sangdungbo nangde alabah.

⁴ Kheahang, hanangde mihtsürü shepünü Atungpuh trechonü müngühmühibah.

⁵ Atungpuhnü Zion chingnü müngühshang, tüsho nü rhangdung nimungbo alala ching nünü Jirusalem tsükhi ngüang shi.

⁶ Am, nünü nü tsührü tsührübo ngüang shi. Israel kheak mungtsü lashang!