MUNGSHIKHÜN 127 - AMÜSÜH HÜM CL Bible (BSI)

Thrünpuh Tsükhi Shijihkhi

¹ Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

² Akeangkeang ching nü mükikde asürüchoh, zhomade yapchoh, tsühyungbe tsühpü thsungkheak rhimochoh; tümüde apinü amuzhorü kilim ayappü mülüjihchoh.

³ Kheahang, tsührübo ju Atungpuh kilimnü yamrüplurüp lah, nuyam sangaso ju api thsambah.

⁴ Thirithsürü khah ching hühzobo nangde, khürü athunuchoki tsührübo lah.

⁵ Mihtsürü shepü hühzopung judürünü milanü asühpü. Arübo achih müngü, tüshe chipiripit ching arü riribo ki asukachihbah.