MUNGSHIKHÜN 126 - AMÜSÜH HÜM CL Bible (BSI)

¹ Küyimki Atungpuhnü Zion aramrübo belode arükheanü, isabo milim mirü nangde alakheah.

Bekhitpü Tamkhüntamnü

² Judüki isa mün münemüzhinü, tüsho isa mulo khün thsükhinü mide alakheah. Arünü trükshih bolung tha, “Atungpuhnü arü thsungkheak ato rhimodo.”

³ Atungpuhnü isa thsungkheak ato rhimodo, jumonü isa asühde lah.

⁴ O Atungpuh , düjinglim ayung nangde isa aramrübo belode arang.

⁵ Sherünü chikebo ching hiuchonü asühkhi ching yimlubah.

⁶ Shepü müjih hiupü tripde yüchonü, hiphungbo hanbah asühde rholode arübah.