MUNGSHIKHÜN 124 - AMÜSÜH HÜM CL Bible (BSI)

Thrünpuh api Mihtsürü Kümdorü

¹ Israelnü kheakü thashang, “Isa kilim tsangkhi ju Atungpuh müthsükhülaa,

² Mihtsürübonü isa azhihde wusuchoki, isa kilim tsangkhi ju Atungpuh müthsükhülaa,

³ judüki isa azhihde arü mulong zhipzhipchoki arünü isa muyua labah;

⁴ kebonü isa zhidoa lapü lakheah, ayungnü isa kumung yüa lapü lakheah;

⁵ düchi kebo isa kumung yükihpü lakheah.”

⁶ Arü hü ching shih nangde müjihkhi Atungpuh shiang.

⁷ Isa mebo ju wuhnu-thsürübo qimürip chingnü wuhnu khülang nangde tsokhitdo; qimürip zhakdo tüsho isa tsokhitdo.

⁸ Isa arung ju thüning tüsho alomi thrünrü Atungpuh mung ching lah.