MUNGSHIKHÜN 122 - AMÜSÜH HÜM CL Bible (BSI)

¹ Küyimki arünü, “Isanü Atungpuh yam ching yüanü,” de I ki thakheanü I asüh.

Jirusalem Shikhi

² Isa jing nü chipiripit ching zhiplah, O Jirusalem!

³ Jirusalem ju akheahakhamde tüsho tsüde rukhüh lalokhi kiuto khülang ah.

⁴ Ha Israel kilim jihkhi yakzan thsükhi yande Atungpuh mung shipü Atungpuh trükbo wutupung ah.

⁵ Tümüde David yamkhün kiulongthsü-binkiu mahkhappü thsungkheak ju ching zolah.

⁶ Jirusalem mungtsü thsungkheak tamkhüntamnüang: “Nü muzhorü latsühlayungde kamshang.

⁷ Nüsa chipi bukkhüp mungtsü lashang, nüsa kiulongthsürü-yambo ching lalim-atsü lashang.”

⁸ I keoniorü tüsho müyamrübo thsülimnü inü kheakü thabah, “Nüsa bolung mungtsü lashang.”

⁹ Atungpuh isa Thrünpuh dünkheaknü inü nü tsükhi yimbah.