MUNGSHIKHÜN 121 - AMÜSÜH HÜM CL Bible (BSI)

Atungpuh Isa Tsungdorü

¹ Inü awungbo lim abinkih-a kheahchoh; I arung küchingnü arüba?

² I arung ju thüning tüsho alomi thrünrü Atungpuh kilimnü arüchoh.

³ Apinü nü jingbo mülihshih; shepünü nü aheangchonü anede müyü.

⁴ Kheahang, shepünü Israel aheangchonü mane yungsho müyap.

⁵ Atungpuh nü aheangrü ah; Atungpuh ju nü khah tsülim nü alamdorü ah.

⁶ Aninü animung yungsho khinunü azhing ching nü kheak mütak.

⁷ Atungpuhnü amütsü alala chingnü nü küma lashihbah; apinü nü me küma lashihbah.

⁸ Atungpuhnü ha kimnü ründe tüsho lünnü nü wukhiukkhi tüsho azahkhi kümbah.