MUNGSHIKHÜN 120 - AMÜSÜH HÜM CL Bible (BSI)Arung thsungkheak Tamkhüntamnü 1 I lümthsünü ching inü Atungpuh ki zhi, tüsho apinü I ki sojih. 2 O Atungpuh , akeangyu münküpbo tüsho mülapmüji mulo chingnü I bekhitang. 3 Nü kilim tümü jihba, yungsho nü ki tümü thsüba, nüsa akeangyu mulo? 4 Thirithsürü ayuk hühzobo, mokhih-mürüm bede! 5 I Meshek ching lakhi are, junangde I Kedar khimyam bolung lah! 6 Mungtsü thraneanrü lung I me aruhkhüh lado. 7 I a mungtsü thsungkheak lah; tüshe küyimki inü asukbanü, arübo thirithsü thsungkheak lah. |
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
Bible Society of India