MUNGSHIKHÜN 12 - AMÜSÜH HÜM CL Bible (BSI)

Arung thsungkheak Tamkhüntamnü

¹ Rungang, Atungpuh ; mihtsürü atsü müla; mihtsürü tsührü bolungnü mulonglam dükheakchoh.

² Mihbüm abannü api yamhingrü ki akeangyu thachoh; arünü münjipjipde mülapyukchoh.

³ Atungpuhnü münjipjip tüsho kükheangkhi mulo aban zhikde kamshang,

⁴ arünü tha, “Isa mulonü isanü akukbah, isa münküp isa lung lah; isa putungrü she a?”

⁵ “Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

⁶ Atungpuhnü alokhikhibo ju motru ching thüne ki tsangkhitkhi shotoyinchi nangde lah.

⁷ O Atungpuh isa kümdoang, ha lün chingnü kamruhroro isa aheangang.

⁸ Athrip aban mihbukmuyuk lah, mihtsürü bolung amütsürü wüntrechoh.