MUNGSHIKHÜN 114 - AMÜSÜH HÜM CL Bible (BSI)

Phungho-thünio

¹ Küyimki Israel ju Ijip chingnü, Jakob yamkhün khiungkerü yutha chingnü wukhiukkhea,

² Juda api arüngakopung, tüsho Israel api yamalo kam.

³ Ketonü ju ngü tüsho tso; Jordannü rholode tso.

⁴ Müzüngbonü namfimihnupungbo nangde, awung aninibonü namfimihnunubo nangde juk.

⁵ O keto, tümü thsüa nü tsokhea? O Jordan, tümüde nü rholode atsokhea?

⁶ O müzüngbo, tümüde namfimihnupungbo nangde, O awung aninibo, namfimihnunubo nangde ajukkhea?

⁷ O alomi, Atungpuh miki, Jakob Thrünpuh miki ajanang,

⁸ shepünü lungto ju kekhip, lungmüzhak ju kenü kamshih.