MUNGSHIKHÜN 113 - AMÜSÜH HÜM CL Bible (BSI)

Atungpuh Tsükhi Shikhi

¹ Atungpuh shiang! Shiang, O Atungpuh yamlarübo, Atungpuh mung shiang!

² Ha kimnü ründe tüsho lünnü Atungpuh mung müngühmühi thsang!

³ Ani akhiuknü ayüzah khiungde Atungpuh mung shipü lah.

⁴ Atungpuh ju trükshihbo alala kumung changde lah, tüsho api müretahkhi yinmi kumung lah.

⁵ Shepü ju achang kheak lakhi Atungpuh isa Thrünpuh nangde la,

⁶ shepünü thüningbo tüsho alomi kheak limshunü abinkhia kheahcho?

⁷ Apinü zhochihrü asungthulung chingnü bemusuchoh, tüsho müthsümülarü awah mujung chingnü shuhkihchoh,

⁸ junangde apinü api mihtsürü yakzanshuhrü lung binshihchoh.

⁹ Apinü tsührü lakhi asühkhi berü nangde bünkeang berü kilim thüyam lashihchoh. Atungpuh shiang!