MUNGSHIKHÜN 110 - AMÜSÜH HÜM CL Bible (BSI)

Atungpuh tüsho Apinü Mokhitkhi Kiulongthsürü

¹ Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

² Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

³ Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

⁴ Atungpuhnü thiyuchihchimdo tüsho mülümalo, “Nü a Melkizedek yande lünnü amükeamrü khülang ah.”

⁵ Atungpuh nü khah tsülim lah; api mulong zhipzhip nimung apinü kiulongthsürübo zünakbah.

⁶ Apinü trükshih bolung mahkhapbah, apinü dangpungbo ashemibonü amishihbah, apinü alomi alala yakzanshuhrü zünakbah.

⁷ Apinü limyean yungzü chingnü ayungbah; jumonü apinü aku dukobah.