MUNGSHIKHÜN 11 - AMÜSÜH HÜM CL Bible (BSI)

Atungpuh kheak Mulongram

¹ Atungpuh kheak inü tsoyukchoh; nünü küde thsah I ki thapü, “Wuhnu nangde müzüngbo ching phinde yüang;

² tümüde kheahang, mihbukmuyuknü alamme khüpnü mihtsürü atsü kheak kippü sanglüh hünkihbah hühzo amuchoh.

³ Khimtanbo thsümünimsho, thiyuro-lungkirünü tümü thsükhukpü la”?

⁴ Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

⁵ Atungpuhnü thiyuro-lungkirü rükakichoh, tüshe mihbukmuyuk tüsho athsümünim muzhorü api menü thraneanchoh.

⁶ Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

⁷ Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.