MUNGSHIKHÜN 101 - AMÜSÜH HÜM CL Bible (BSI)

Kiulongthsüpuhnü Alokhikhi

¹ Inü mihmüthsüm tüsho thiyuro khün thsübah; O Atungpuh , inü nü ki mungshi khünbo thsübah.

² Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

³ Inü I mükbo ki mihbukmuyuk tümü muzo; akin mülarü rhimo inü thraneanlah; junü I kheak mükapkih.

⁴ Bephülapbe mulong I kheaknü chamachihbah; inü mihbukmuyuk mümükheahde alabah.

⁵ Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

⁶ I mükjibo ju lomi ching thiyuro larü kheak labah, junangde arü I lung labah; shepü athülünkhi limro tsahchonü apinü I tankihbah.

⁷ Shepünü mülapmüjide rhimochonü I yam ching müla; shepünü akeangyu thachonü I miki mutuklode müla.

⁸ Lomi ching mihbukmuyuk alala inü nahde athsümünimbah, junangde inü amütsü rhimorü alala Atungpuh kiuto chingnü adükheakshihbah.