MUNGSHIKHÜN 100 - AMÜSÜH HÜM CL Bible (BSI)

¹ Nüsa lomibo alala, Atungpuh ki asühde zhiang!

Mungshikhi Khün

² Asühde Atungpuh tankihang; khün thsüde api miki arang.

³ Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

⁴ Makshe jihde api ripit ching, tüsho mungshide api khikzhakpung ching yüzahang. Api ki makshe jihang tüsho api mung shiang.

⁵ Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.