MÜCHITMUDU 5 - AMÜSÜH HÜM CL Bible (BSI)Müzammüram azhihde Athakhi 1 I tsah-a, I lümlung aniang; tüsho I anikhitkhi lim nü nükhün muphoang, 2 junangde nünü adüngakhi lashihbah tüsho nü münküpbonü mükheahmudu zobah. 3 Tümüde yüliyüra liberü münküpbonü mukhuke atsamkhichoh, tüsho amün ju müdangke kheaknü ashahshahbe ah; 4 tüshe akheam ching a anihbe ju shihsu nangde, thrip aban ayuk nukshang nangde lah. 5 Anihbe jing ashepü ching yüzahchoh, anihbe jingdükübo kiuyuk lim lah. 6 Anihbenü rhangdung limro lümamükheah; anihbe tsahpungbo khüranglah, tüshe alibenü ju mümükheah. 7 Jumonü I tsührübo, kheakü I ki aniang, tüsho I yubo chingnü düchamachih. 8 Alibe kheaknü nü limro shude akhinang, tüsho anihbe yam ripit thüninde düyü, 9 jude yungsho nü wüntrekhi nünü püpürü kilim tüsho alungkhangrü kilim nü kambo jihbah; 10 jude yungsho nü lakhitnü hanrübo bukthsübah tüsho nü khisahkhibo khiungkerü yam ching yübah; 11 tüsho nü shih le nü pang tsühabahshu akheam ching nünü tüzhochoh, 12 tüsho thachoh, “ Küdükhüh inü thsangdankhi thraneande, tüsho athürühkhi I mulongnü abahyukkhea! 13 Inü I thsangyurübo düsheak mani, yungsho I thsangdanrü kilim I nükhünbo mümupho! 14 I a athsümünimpü tsangde, amukhungrü alala bolung lakheah.” 15 Nü kekung kiukhi chingnü, nü kekhip chingnü abukkhi ke yungang. 16 Nü kenübo khiungke lim, yungzü kebo kiudunglimrobo ching hiumüzütshihba de? 17 Arübo nü yo lang thsüshang, tüsho hanrübo thsungkheak yung. 18 Nü kenü müngühshang, tüsho nü athunuchoki yamkhünbe lung asühachihang. 19 Amuzhokhi shihmüchi tüsho drelü nangde, kim alala ching anihbe treangbonü nü reangkeamshang; tüsho kamruhroro anihbe amuzhonü nü kapdoshang. 20 I tsah-a, tümü thsüde nü yüliyüra liberünü akapdoshihpü, tüsho müzammüramrü khüh kheak kapshihpü? 21 Tümüde mihtsürü limrobo Atungpuh mükbo ki lah, tüsho api tsahpungbo alala apinü ajama kheahchoh. 22 Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah. 23 Thsangdan mülakhinü api ashebah, tüsho nihbuh makhakhi ato ching api tsophülapbah. |
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
Bible Society of India