MALAKI 4 - AMÜSÜH HÜM CL Bible (BSI)

Atungpuh Nimung Arüchoh

¹ Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

² Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

³ Tüsho nüsanü mihbukmuyuk thrümyukbah, tümüde inü arhimopü nimung arübo ju nüsa jinglung khüp awahbo nangde alabah, Wuto Atungpuhnü thachoh.

⁴ I yamlarü Mosanü thsangyukhi, inü Israel alala thsungkheak Horeb ching thiyukhüm jihkhi yakzanbo tüsho yuzüngbo lümkhitang.

⁵ Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

⁶ Apinü bebuhrü mulongbo arü tsührübo kilim rholoshihbah, jude yungsho I arübah tüsho ju muthrumüneannü lomi shikbah.