JIHUSUA 19 - AMÜSÜH HÜM CL Bible (BSI)

Simeon kilim Jihkhi Lomi

¹ Mahnepü shihcham ju Simeon trük guk kilim jihpü akhiuk. Arü yamrüplurüp ju Juda trük yamrüplurüp ching lakheah.

² Yamrüplurüp lurübo ju Beersheba, Sheba, Molada,

³ Hazar Shual, Bala, Ezem,

⁴ Eltolad, Bethul, Horma,

⁵ Ziklag, Beth Markaboth, Hazar Susa,

⁶ Beth Lebaoth, tüsho Sharuhen: kiulongbo bebah kiuto 13.

⁷ Ain, Rimmon, Ether tüsho Ashan: ju kiulongbo bebah kiuto 4.

⁸ Ju kiutobo mühi kiulongbo Baalathbeer (ju Negeb ching lakhi Rama) khiunglah. Ha Simeon trük gukbo yamrüplurüp ah.

⁹ Simeon trük yamrüplurüp ju Juda lomi chingnü lu; tümütüsho Juda trük thsungkheaknü khide tode alakheah, arü yamrüplurüp chingnü Simeon trük yamrüplurüp ngü.

Zebulun kilim Jihkhi Lomi

¹⁰ Asampü shihcham ju Zebulun trük guk kilim jihpü akhiuk. Arü lukhi lo ju Sarid khiunglah;

¹¹ ju chingnü aredung ju aniyüzahlim wutubah Marala lim yülah, tüsho Dabbesheth hobah aniakhiuklim Jokneam yung khiunglah.

¹² Sarid kheaknü aniakhiuklim Kisloth-tabor aredung lim yü; ju chingnü Daberath khiung tüsho Japhia lim wutulah;

¹³ ju chingnü aniakhiuklim Gathhepher tüsho Ethkazin lim yülah, tüsho Rimmon lim yüde Nea thrip hinglolah.

¹⁴ Tüsho dukulim aredung ju Hannathon thrip anguhbah Iphtael jindükhün ching kheamlah;

¹⁵ tüsho Kattath, Nahalal, Shimron, Idala, tüsho Bethlehem: kiulongbo bebah kiuto 12.

¹⁶ Harü kiuto tüsho kiulongbo ju Zebulun trük guk kilim jihkhi yamrüplurüp ah.

Issakar kilim Jihkhi Lomi

¹⁷ Aphüyipü shihcham ju Issakar trük kilim jihpü akhiuk.

¹⁸ Ju ching bekhi ju Jezreel, Kesulloth, Shunem,

¹⁹ Hapharaim, Shion, Anaharath,

²⁰ Rabbith, Kishion, Ebez,

²¹ Remeth, Engannim, Enhadda, tüsho Beth Pazzez.

²² Aredung ju Tabor, Shahazuma, Beth Shemesh, tüsho Jordan kheak arün ah: kiulongbo bebah kiuto 16.

²³ Harü kiutobo tüsho kiulongbo ju Issakar trük guk kilim jihkhi yamrüplurüp ah.

Asher kilim Jihkhi Lomi

²⁴ Aphüngüpü shihcham ju Asher trük guk kilim jihpü akhiuk.

²⁵ Ju ching bekhi ju Helkath, Hali, Beten, Akshaph,

²⁶ Allam Melek, Amad tüsho Mishal. Aniyüzahlim Karmel tüsho Shihor Libnath khiunglah;

²⁷ ju chingnü aniakhiuklim Bethdagon lim yübah Zebulun tüsho Iphtael jindükhün hobah dukulim Beth-emek tüsho Neiel lim yülah; ju chingnü ayükhi ju huzulim Kabul,

²⁸ Ebron, Rehob, Hammon, Kana tüsho Ato Sidon khiunglah;

²⁹ aredung ju chipi ayünkhi Tair kiuto khiungde Rama lim anguhlah; jushu Hosa thrip kiklobah Mediterranean keto ching arün ah. Ju ching bemurhukhi ju Mahalab, Akzib,

³⁰ Umma, Aphek tüsho Rehob: kiulongbo bebah kiuto 22.

³¹ Harü kiutobo tüsho kiulong ha Asher trük gukbo kilim jihkhi yamrüplurüp ah.

Naphtali kilim Jihkhi Lomi

³² Athurukpü shihcham ju Naphtali trük guk kilim jihpü akhiuk.

³³ Tüsho aredung ju Heleph kheaknü Zaanannim ching lakhi thülamdung hode, Adaminekeb, Jamnia, tüsho Lakkum khiung; tüsho Jordan kheaknü arün ah;

³⁴ ju chingnü aredung ju aniyüzahlim Aznothtabor thrip anguhlah, ju chingnü Hukkok lim yü, düjinglim Zebulun, aniyüzahlim Asher, tüsho Juda ju Jordan aniakhiuklim ah.

³⁵ Chipi ayünkhi kiutobo ju Ziddim, Zer, Hammath, Rakkath, Kinnereth,

³⁶ Adama, Rama, Hazor,

³⁷ Kedesh, Edrei, Enhazor,

³⁸ Iron, Migdalel, Horem, Beth Anath, tüsho Beth Shemesh: kiulongbo bebah kiuto 19.

³⁹ Harü kiutobo tüsho kiulongbo ha Naphtali trük kilim jihkhi yamrüplurüp ah.

Dan kilim Jihkhi Lomi

⁴⁰ Athünepü Shihcham ju Dan trük guk kilim jihpü akhiuk.

⁴¹ Arü yamrüplurüp lomi ju Zora, Eshtaol, Irshemesh,

⁴² Shaalbim, Aijalon, Ithla,

⁴³ Elon, Timna, Ekron,

⁴⁴ Elteke, Gibbethon, Baalath,

⁴⁵ Jehud, Beneberak, Gathrimmon,

⁴⁶ Mejarkon, Rakkon, tüsho Joppa mühi lomi.

⁴⁷ Küyimki Dan mihtsürübo arü lo dükheakkheanü arünü Laish ching yübah yan. Arünü ju yankhita lubah mihtsürübo nukshangnü laksah tüsho arü jipürü Dan mung jimulode kiuto ju Laish chingnü Dan de müthribah ju ching la.

⁴⁸ Harü kiutobo tüsho kiulongbo ha Dan trük kilim jihkhi yamrüplurüp ah.

Akheam Chamkhi Lo

⁴⁹ Israelrübonü aredung yeande arü yamrüplurüp chama lukhamshu, Nun tsührü Jihusua kilim arü bolung yamrüplurüp jih.

⁵⁰ Atungpuhnü thiyukhüm jihkhi yande apinü akheangkhi nangde: Ephraim awung lomi ching lakhi Timnath Sera jih. Apinü kiuto thrün tüsho ju ching la.

⁵¹ Harü ha amükeambuh Eleazar, Nun tsührü Jihusua tüsho Israel trük guk limberübonü Shilo ching Atungpuh shorupung khimyam ripit kinü azan thsüde achamkhi yamrüplurüp ah. Junangde arünü alo chamkhi arün thsü.