JIHUSUA 12 - AMÜSÜH HÜM CL Bible (BSI)

Mosanü Kiulongthsürübo Kukkhi

¹ Israel mihtsürübonü yana lude amükühkhi lomibo ju Jordan aniakhiuklim, Arnon ayung chingnü Hermon wung lim Araba aniakhiuklim khiung tüsho arünü kiulongthsürü harü laksah:

² Khülang ju Amor kiulongthsüpuh Heshbon ching yakzanshuhbuh Sihon ah. Api kiulongthsü ju Aroer tüsho jindükhün phulung chingnü Amon aredung yean ching Jabbok Ayung khiung, ju Gilead chamkhüh ah;

³ tüsho ju chingnü Jordan jindükhün düjinglim Galilee kekim chingnü Beth Jeshimoth aniakhiuklim peang Ashe keto tüsho Pisga wung düpheak khiunglah.

⁴ Arünü Rephaimrü akheam thsüde aningbuh Ashtaroth tüsho Edrei ching yakzanshuhbuh Bashan kiulongthsüpuh Og she laksah.

⁵ Apinü yakzan shuhkhi püpürü lomibo ju Hermon wung, Saleka, Bashan lo Geshur le Maaka, Gilead chamnakkhüh, tüsho Heshbon kiulongthsühpuh Sihon aredung khiunglah.

⁶ Ha kiulongthsürü mahne ju Mosa le Israelrünü akukkheah. Atungpuh yamlarü Mosanü arü lo Reuben le Gad trükbo tüsho Manase trük chamnakkhüh kilim arü lo thsüshihpü jih.

Jihusuanü Akukkhi Kiulongthsürübo

⁷ Jihusua tüsho Israelrünü Jordan aniyüzahlim lomi kiulongthsürübo, Lebanon jindükhün ching Baalgad chingnü Edom phünide alakhi dukulim Halak wung khiungde yankhit. Ha lo Jihusuanü trükbo kilim lünnü arü lapung thsüpü chama jih.

⁸ Ha dang ching bekhi ju awung lomi, aniyüzahlim lokeamlo, sunglo, Jordan jindükhün. Tüsho ju Hitrü, Amorrü, Kananrü, Perizrü, Hivrü, tüsho Jebusrü lapung lakheah.

⁹ Israelrünü harü kiuto kiulongthsürübo kukkheah: Jirikho, Ai (Bethel phüni),

¹⁰ Jirusalem, Hebron,

¹¹ Jarmuth, Lakish,

¹² Eglon Gezer,

¹³ Debir, Geder,

¹⁴ Horma, Arad,

¹⁵ Libna, Adullam,

¹⁶ Makkeda, Bethel,

¹⁷ Tappua, Hepher,

¹⁸ Aphek, Lasharon,

¹⁹ Madon, Hazor,

²⁰ Shimron-meron. Akshaph,

²¹ Taanak, Megiddo,

²² Kedesh, Jokneam (Karmel ching),

²³ Dor (Naphathdor ching), Goiim (Galilee ching),

²⁴ tüsho Tirza–alalanü kiulongthsürü 31.