JEREMIA 45 - AMÜSÜH HÜM CL Bible (BSI)

Baruk kilim Thiyusheak

¹ Jeremianü Baruk ki thiyubo thaa küpqiu kheak thrütshih dunglim, Josia tsührü Juda kiulongthsüpuh Jehoiakim kam phüyipü ching wukihbuh Jeremianü Neria tsührü Baruk ki tha:

² O Baruk, ha Atungpuh , Israel Thrünpuhnü nü ki thachoh:

³ Nünü tha, “ I are! Atungpuhnü I thsünükhi alü kamshihdo; I ashearakhinü khia lah tüsho sühakhim müngü.”

⁴ Nünü api ki ha thaang, “Atungpuhnü ha thachoh: Lomi alala ching inü tümü thsükheanü thokheambah, tüsho inü akhimkhi rukkhitbah.

⁵ Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”