ISAIA 4 - AMÜSÜH HÜM CL Bible (BSI)

¹ Ju nimung ching aliberü thünenü athrürü khülang kheak tholobah athabah, “ Isanü isa nihbe tsühyungbe tsühbah tüsho isa nihbe khimmih phuyubah; zhikdü lang nü mungnü isa jishang; isa achih hande tsojang.”

Jirusalem Lalobah

² Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

³ Sherübo Zion ching tukloa la tüsho Jirusalem ching rhangdung thsungkheak thrütyukbah lanü amüsüh de ajibah.

⁴ Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

⁵ Zion Müzüng tüsho ju ching mukhunga larü alala kumung, Atungpuhnü animung amo le mokhüh tüsho are motru zhingzhing yüshihbah. Thrünpuh müretahkhinü kiuto abümnü alüpdobah tüsho alamdobah.

⁶ Haju animung alam chingnü ku alampung tüsho alamme labah tüsho chinthrüm le tsüng chingnü tsoyukpung tüsho jikpung labah.