ISAIA 12 - AMÜSÜH HÜM CL Bible (BSI)

Makshe Khün

¹ Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

² Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

³ Asühde akhümkhit kekhip chingnü nünü ke khipbah.

⁴ Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

⁵ Atungpuh kilim mungshikhünbo thsang, tümüde apinü müretahde rhimodo; ha alomi alala ching mükheahshang.

⁶ Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.