EZEKIEL 48 - AMÜSÜH HÜM CL Bible (BSI)

Lomi Chamnakkhi

¹ Trükbo mung ju harü ah: dukulim aredungyeannü tankihbah, Hethlon limro kheak, Lebo-hamath chingnü Hazar-enon khiungde (Damaska aredungyean, dukulim Hamath la), tüsho aniakhiuklim thripnü aniyüzahlim khiungde, Dan kilim shihcham khülang.

² Aniakhiuklimnü aniyüzahlim khiungde, Dan lomi arede, Asher shihcham khülang.

³ Aniakhiuklimnü aniyüzahlim khiungde, Asher lomi arede Naphtali shihcham khülang.

⁴ Aniakhiuklimnü aniyüzahlim khiungde, Naphtali lomi arede, Manase shihcham khülang.

⁵ Aniakhiuklimnü aniyüzahlim khiungde, Manase lomi arede, Ephraim shihcham khülang.

⁶ Aniakhiuklimnü aniyüzahlim khiungde, Ephraim lomi arede, Reuben shihcham khülang.

⁷ Aniakhiuklimnü aniyüzahlim khiungde, Reuben lomi arede, Juda shihcham khülang.

⁸ Aniakhiuklimnü aniyüzahlim khiungde, Juda lomi arede nünü shuhmuwuh-a zopü shihcham ju atolim khahnap 25,000, tüsho ayunglim trük khülang kilim shihchambo jihkhi khiukde, aniakhiuklimnü aniyüzahlim khiungde, aphulung ching arüngakopung labah.

⁹ Nünü Atungpuh thsungkheak shuhmuwuh-a zopü shihcham ju ayunglim khahnap 25,000, tüsho atolim khahnap 10,000,

¹⁰ Harü ha amüsüh shihcham jihkhibo labah: dukulim thrip amükeamrü jihpü ju khahnap 25,000 labah, aniyüzahlim thrip atolim khahnap 10,000, aniakhiuklim thrip atolim khahnap 10,000, tüsho düjinglim thrip ayunglim khahnap 25,000, ju aphulung ching Atungpuh arüngakopung labah.

¹¹ Ha Levi trük khürü Israel mihtsürü tsophülapchoki, I yukhüm zokhi, Zadok tsühsoniusobo atsangkhitkhi amükeamrübo thsungkheak labah.

¹² Ha amüsüh lomi shihcham chingnü büthsüde arü shihcham labah, khide amüsüh dangpung, Levirü lomi arede alabah.

¹³ Amükeamrü yande, Levirü shihcham ju ayunglim khahnap 25,000 tüsho atolim 10,000 labah. Ayunglim alalanü khahnap 25,000 tüsho atolim 10,000 labah.

¹⁴ Arünü ju müyin yungsho mümüthriachih; arünü ha amokhitkhi lomi makhin, tümüde ha Atungpuh kilim amüsüh lah.

¹⁵ Aningkhi, atolim khahnap 5000 tüsho ayunglim 25,000 ju kiuto thsungkheaknü yihnüpü, lapungbo thsungkheak tüsho mükeak labah. Ju aphulung ching kiuto labah;

¹⁶ tüsho akekhibo harü labah: Dukulim thrip khahnap 4500, düjinglim thrip 4500, aniakhiuklim 4500, tüsho aniyüzahlim 4500.

¹⁷ Kiuto ju mükeak labah: Dukulim khahnap 250, düjinglim 250, aniakhiuklim 250, aniyüzahlim 250.

¹⁸ Amüsüh shihcham yande aningkhi ayunglim ju aniakhiuklim khahnap 10,000, tüsho aniyüzahlim 10,000 labah. Ju chingnü akhiukkhi ju kiuto ching rhimorü thsungkheak tsühyungpü labah.

¹⁹ Kiuto ching rhimorü, Israel trük alala chingnü ju thulu thsübah.

²⁰ Nünü shuhmuwuh-a zopü shihcham abümnü khahnap 25,000 rukhüh labah, ju kiuto lakhit kukruk lungnü amüsüh shihcham labah.

²¹ Amüsüh shihcham thrip abande aninga lakhi tüsho kiuto lakhit kukruk ju kiulongthsüpuh yo thsübah. Amüsüh shihcham khahnap 25,000 chingnü aniakhiuklim aredungyean khiungde, tüsho aniyüzahlim aredungyean lim khahnap 25,000, trük shihcham arihde, ha kiulongthsüpuh yo thsübah. Amüsüh shihcham aphulung ching arüngyam amüsüh dangpung bede,

²² tüsho Levirü le kiuto lakhit kukruk ju kiulongthsüpuh yo phulung ching labah. Kiulongthsüpuh shihcham ju Juda lomi tüsho Benjamin lomi dükeak labah.

²³ Aningkhi trükbo thsungkheak: aniakhiuklimnü aniyüzahlim, Benjamin shihcham khülang,

²⁴ aniakhiuklimnü aniyüzahlim, Benjamin lomi arede, Simeon shihcham khülang.

²⁵ Aniakhiuklimnü aniyüzahlim, Simeon lomi arede, Issakar shihcham khülang.

²⁶ Aniakhiuklimnü aniyüzahlim, Issakar lomi arede, Zebulun shihcham khülang.

²⁷ Aniakhiuklimnü aniyüzahlim, Zebulun lomi arede, Gad shihcham khülang.

²⁸ Tüsho düjinglim Gad lomi arede, aredung ju Tamar kheaknü Meribath-kadesh kebo khiungbah, ju chingnü Ijip ayung yeande Ato Keto ching yübah.

²⁹ Ha nünü Israel trük bolung yamrüplurüp nangde chama jihpü lomi ah, tüsho harü ha arü shihchambo lah, Atungpuh Thrünpuhnü thachoh.

Kiuto Chipiripitbo

³⁰ Harü ha kiuto chipiripitbo labah: Dukulim peang, akekhi khahnap 4500,

³¹ Chipiripit mahsam, Reuben chipiripit, Juda chipiripit, tüsho Levi chipiripit, kiuto chipiripitbo Israel trük mungnü jia labah.

³² Aniakhiuklim peang, khahnap 4500, chipiripit mahsam, Josep chipiripit, Benjamin chipiripit, tüsho Dan chipiripit.

³³ Düjinglim peang, akekhi khahnap 4500, chipiripit mahsam, Simeon chipiripit, Issakar chipiripit, tüsho Zebulun chipiripit labah.

³⁴ Aniyüzahlim peang, khahnap 4500, chipiripit mahsam, Gad chipiripit, Asher chipiripit, tüsho Naphtali chipiripit labah.

³⁵ Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.