EZEKIEL 15 - AMÜSÜH HÜM CL Bible (BSI)

Kurungaso Shihdanglimyu

¹ Atungpuh yu I ki arü:

² Mihtsürü tsührü, küde thsah kurungaso sang ju murung ching sangkhah khürü kheaknü atsübea?

³ Ha chingnü alukhi sang ju tümükhüh yihnüpü thsücho de? Jurünü kukruk zhinpü müzambo thsücho de?

⁴ Tüsho ju dunglim mojim thsüde mo ching yukshu tüsho monü akheam chido takbah aphulung takmüraksho, ju tümükhüh thsungkheak yihnüpü la de?

⁵ Ha abüm lachoki tümükhüh yihnüpü mülasho, monü atakshu tüsho müraksho, ha tümükhüh yihnüpü küdükhüh nükde alaba?

⁶ Jumonü Wuto Atungpuhnü ha thachoh: Inü murung kurungaso sang mojim thsüpü jihkhi nangde, Jirusalem ching larü mihtsürü ki inü ajihbah.

⁷ Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah.

⁸ Inü lomi zhikrangkhündo lashihbah tümütüsho arünü thiyuro mülade lado, Wuto Atungpuhnü thachoh.