1 KIUTHSÜYUKHEAN 9 - AMÜSÜH HÜM CL Bible (BSI)

Aramkhi chingnü Alodarükhi Mihtsürübo

¹ Jumonü Israel alala tsühsoniuso yukhean yande thrütyuk; tüsho harü Israel kiulongthsürübo hüm ching thrüta lah. Tüsho arü thiyuro mülakhi hode Juda a Babilon ramtso ching hande ayükhea.

² Kheakü arü yamalo, kiutobo ching akhuhde alalorü ju Israelrü, amükeamrübo, Levirü, tüsho arüngyam tankihrübo lakheah.

³ Tüsho Jirusalem ching larü Juda, Benjamin, Ephraim, tüsho Manase mihtsürü khürü:

⁴ Ammihud tsührü Uthai, Omri tsührü, Imri tsührü, Bani tsührü, Juda tsührü Perez tsührübo kheaknü ah.

⁵ Tüsho Shilonrübo: adüjibuh Asaia, tüsho api tsührübo.

⁶ Zera tsührübo: Jeuel tüsho arü keoniorü 690.

⁷ Benjaminrü: Meshullam tsührü Sallu, Hodavia tsührü, Hassenua tsührü,

⁸ Jeroboam tsührü Ibneia, Mikri tsührü, Uzzi tsührü Ela; Ibnija tsührü Reuel tsührü, Shephatia tsührü Meshullam;

⁹ tüsho arü lün yande arü keoniorü 956. Harü alala arü jipürü yamkhün yande guk ching akubo lakheah.

Jirusalem ching Lakhi Amükeamrübo

¹⁰ Amükeamrübo: Jedaia, Jehoiarib, Jakin,

¹¹ tüsho Thrünpuh yam atorü Ahitub tsührü, Meraioth tsührü, Zadok tsührü, Meshullam tsührü, Hilkia tsührü Azaria;

¹² Malkija tsührü, Pashhur tsührü, Jeroham tsührü Adaia; tüsho Immer tsührü, Meshillemith tsührü, Meshullam tsührü, Jazera tsührü, Adiel tsührü Maasai;

¹³ arü buhtsüh lung yukrude arü jipürü yamkhün ching akubo, Thrünpuh yam ching tankih rhimo thülünkhi 1760.

Jirusalem ching Lakhi Levirübo

¹⁴ Levirü: Merari tsührübo, Hashabia tsührü, Azrikam tsührü, Hasshub tsührü Shamaia;

¹⁵ tüsho Bakbakkar, Heresh, Galal, tüsho Asaph tsührü, Zikri tsührü, Mika tsührü Mattania;

¹⁶ tüsho Netopharü kiulongbo ching larü Elkana tsührü Berekia, Asa tsührü, Jeduthun tsührü, Galal tsührü, Shemaia tsührü Obadia.

Jirusalem ching Lakhi Arüngyam Aheangrübo

¹⁷ Arüngyam aheangrübo: Shallum, Akkub, Talmon, Ahiman; tüsho arü keoniorü Shallum akubuh,

¹⁸ aniakhiuklim kiulongthsüpuh ripit ching lakheah. Harü ha Levirü binpung ripit aheangrübo lakheah.

¹⁹ Kora tsührü, Ebiasaph tsührü, Kore tsührü Shallum, tüsho api jipürü yamkhün buhtsührü Korarü ju arü jipürü Atungpuh khimyam kheahde alakhi nangde khimyam ripit limro kheahde rhimode alakheah.

²⁰ Tüsho Eleazar tsührü Phinehas ju akhuhlim kimbo ching arü kurungkheak akubuh lakheah; api lung Atungpuh lakheah.

²¹ Meshelemia tsührü Zekaria a ashorupung khimyam ripit neakrü lakheah.

²² Harü alala, ripit limro aheangrübo 212 lakheah. Arübo ju tsühsoniuso yukhean yande arü kiulongbo ching thrütyuka lakheah. David tüsho Samuel angürünü thiyuro rhimopung ching arü yüzahshih.

²³ Junangde arü le arü tsühsoniusobo Atungpuh yam ripit kheahde la, ju khimyam aheangrübo.

²⁴ Ripit aheangrübo ju thrip phüyi ching, aniakhiuklim, aniyüzahlim, dukulim, tüsho düjinglim lakheah;

²⁵ arü keoniorübo kiulongbo ching larünü nimung thüne thsungkheak aheangrungpü kim kim ching arü.

²⁶ Tümüde ripit aheangrü atorü 4 ju akhiungshakbo tüsho Thrünpuh rahpung-yam kheahrü Levirübo lakheah.

²⁷ Tüsho arünü Thrünpuh yam phünide la; tümüde arü kheak akheahpü tüsho yapsu aban akhimshuhpü rhimo jih.

Levirü Püpürübo

²⁸ Khürünü mukhungmüdan pungphurubo rhimo lu, tümüde jurübo lude ayüchoki tüsho lude wukhiukchoki khemütsanpü yihnüpü lakheah.

²⁹ Arü bolung khürü a arüngako kukrukbo, tüsho amüsüh pungphurubo, kheaküshe amokhitkhi ayikangkang, yukhu, müdangke, rhümthüneabebo kurungkheak rhimo jih.

³⁰ Amükeamrü tsührü püpürübonü rhümthüneabe neamrude thsakham,

³¹ tüsho Levirü bolung Korarü Shallum tsührü adüjibuh Mattithianü yikhap nungpü rhimo lu.

³² Arü keoniorü Kohathrü khürünü amunimung abande arüngako yikhap thsakhama zopü rhimo lu.

³³ Kheakü harübo Levirü jipürü yamkhün ching akubo ha khün thsürübo, püpü tankih-rhimo chingnü chamkhibah arüngyam khiungshakbo ching la, tümüde arübo azhing ayin rhimo ching lakheah.

³⁴ Harü ha arü lünkhe yande, Levirü jipürü yamkhün akubo; harü limberübo Jirusalem ching lakheah.

Saul Kiulongthsüpuh Jipürü tüsho Tsühsoniusobo

³⁵ Gibeon ching Gibeon abuh Jeiel la, tüsho aniube mung Maaka.

³⁶ Api tsührü adüjibuh ju Abdon, Jushu Zur, Kish, Baal, Ner, Nadab,

³⁷ Gedor, Ahio, Zekaria, tüsho Mikloth;

³⁸ tüsho Mikloth tsührü Shimeam; tüsho harü she arü buhtsührü lung Jirusalem ching la.

³⁹ Ner tsührü Kish, Kish tsührü Saul, Saul tsührü Jonathan, Malkishua, Abinadab, tüsho Esh-baal;

⁴⁰ tüsho Jonathan tsührü Merib-baal; tüsho Merib-baal tsührü Mika.

⁴¹ Mika tsührübo: Pithon, Melek, Tarea, tüsho Ahaz;

⁴² Ahaz tsührü Jara, tüsho Jara tsührübo Alemeth, Azmaveth, tüsho Zimri; Zimri tsührü Moza.

⁴³ Moza tsührü Binea; atsührü Rephaia, atsührü Eleasa, atsührü Azel.

⁴⁴ Azel tsührü 6 lakheah tüsho arübo mung: Azrikam, Bokeru, Ishmael, Shearia, Obadia, tüsho Hanan; harü ha Azel tsührübo lakheah.