O. Daf 124 - Yoruba Bible

Ọlọrun Aláàbò Àwọn Eniyan Rẹ̀

¹ Tí kì í bá ṣe pé OLUWA tí ó wà lẹ́yìn wa, ẹ̀yin ọmọ Israẹli, ẹ wí pé,

² “Tí kì í bá ṣe pé OLUWA tí ó wà lẹ́yìn wa nígbà tí ọmọ aráyé gbógun tì wá,

³ wọn ìbá gbé wa mì láàyè, nígbà tí inú bí wọn sí wa;

⁴ àgbàrá ìbá ti gbá wa lọ, ìṣàn omi ìbá ti bò wá mọ́lẹ̀;

⁵ ìgbì omi ìbá ti gbé wa mì.”

⁶ Ọpẹ́ ni fún OLUWA, tí kò fi wá ṣe ẹran ìjẹ fún wọn.

⁷ A ti yọ, bí ẹyẹ tí ó yọ ninu okùn apẹyẹ: okùn ti já; àwa sì ti yọ.

⁸ Ọ̀dọ̀ OLUWA ni ìrànlọ́wọ́ wa ti wá, ẹni tí ó dá ọ̀run ati ayé.