O. Daf 114 - Bíbélì Mímọ́ ní Èdè Yorùbá Òde-Òní

Saamu 114

¹ Nígbà tí Israẹli jáde ní Ejibiti, ilé Jakọbu láti inú ènìyàn àjèjì èdè

² Juda wà ní ibi mímọ́, Israẹli wà ní ìjọba.

³ Òkun sì rí i, ó sì wárìrì: Jordani sì padà sẹ́yìn.

⁴ Àwọn òkè ńlá ń fò bí àgbò àti òkè kéékèèkéé bí ọ̀dọ́-àgùntàn.

⁵ Kí ni ó ṣe ọ́, ìwọ Òkun, tí ìwọ fi wárìrì? Ìwọ Jordani, tí ìwọ fi padà sẹ́yìn?

⁶ Ẹ̀yin òkè ńlá kí ló dé ti ẹ fi ń fò bí àgbò, àti ẹ̀yin òkè kéékèèkéé bí ọ̀dọ́-àgùntàn?

⁷ Wárìrì, ìwọ ilẹ̀, níwájú Olúwa; ní iwájú Ọlọ́run Jakọbu

⁸ tí ó sọ àpáta di adágún omi, àti òkúta-ìbọn di orísun omi.