Yoznaz Saw 2 - Gij Baujcingq Moq Caeuq Geij Bonj Gij Baujcingq Daeuzdaeuz

Yoznaz haenh Yehhozvaz

¹ Yoznaz youq ndaw dungx duz bya haenh Yehhozvaz, naeuz:

² Yehhozvaz Cangqdiq hax! Gou roeb daengz nanh gouz mwngz nex, Mwngz couh hoi bak han gou. Gou youq ndawlaep gouz mwngz bang, Mwngz caemh dingqri gij sing gou.

³ Mwngz dawz gou gveng roengz haij bae, Gveng daengz mwnq ceiq laeg ceiq laep he bae. Raemxgit daeuj gvaeg gou; Gij raemxrongz hung mwngz caiq dumh gou.

⁴ Gou ndaw sim naeuz: “Gou dajlwh dangqnaj mwngz ngaiz boenq deuz; Baenzlawz caiq ndaej raen gunghdenq mwngz, Mwnq mwngz youq mwnq nej?”

⁵ Raemx haij duk gou gaenjgaenj, Gab dawz gij hoz gou. Seiqhenz cungj dwg vaengz laeg, Myez haij caiq cug aen raeuj gou.

⁶ Gou roengz daengz lajdaej haij luengqbya he; Laj de luj miz binqdou youq baixlaeng gou gaenq suj ndaet. Yehhozvaz Cangqdiq hax! Couh dwg mwngz dawz gou daj ndaw gumz rai gouq gou okdaeuj.

⁷ Mwh gou ij gatcaw mwhde, Gou couh ngeix daengz mwngz. Yehhozvaz Cangqdiq hax! Gou yiengq mwngz gangj hih vah gaenq cenz haeuj gunghdenq mwngz bae lo, Caemh cenz haeuj rwz mwngz bae lo.

⁸ Byawz bae baiq duz you, Cungj dwg begbeg baiq; Byawz gvih baiq gyaj cwnz, Couh dwg de vwt mwngz caencwnz doiq de dih hojsik.

⁹ Gou nej, gou ij haenh mwngz, docih mwngz, bwiz mwngz. Gou caemh gangj daengz guh daengz gaxgonq gou soj caeuq mwngz gangj goq dih saeh. Yehhozvaz Cangqdiq hax, Caenhgag miz mwngz cij ndaej gouq vunz!

¹⁰ Yoznaz gangj sat le, Yehhozvaz couh hawj duz bya dawz Yoznaz haiz youq gwnz hamq.