Yozhanq Sam 1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Gou dwg boux vunz laux gangj vah vunz couh dingq he; gou sij saenq hawj gou cinhngaiq dih baengzyoux Gaihyouz, couh dwg gou ciuq gij saedsaeh Cangqdiq ma aiq dih baengzyoux.

² Cinhngaiq dih baengzyoux hax, gou hoh mwngz ndangdaej giencangq, yienghyiengh swnh, ndangdaej caeuq aen sim mwngz doxdoengz giencangq.

³ Gou angq ij rai, miz beixnuengx daeuj gou dineix naeuz gou ni mwngz lauxlaux saedsaed mbouj doeknaiq hih ciuq gij saedsaeh Cangqdiq bae goq saedceij.

⁴ Mij gijmaz naeuz ndaej beij dingq daengz gyoengq lwg gou cungj dwg ciuq saedsaeh bae guh hih yienghmwnq angq law lo.

⁵ Cinhngaiq dih baengzyoux hax, mwngz baenxlai caensim bae bang gyoengq beixnuengx; mboujguenj doengh boux mwngz mijyaengz raen naj goq, najseng he, mwngz cungj ciuqyiengh caensim bae bang.

⁶ Gyoengqde youq dineix gyauqveiq cungj haenh naeuz mwngz simndei, aiq vunz. Yiengq, daengz gyoengqde bae hih mwhde, mwngz ij bang gyoengqde, caemh ij ciuq Cangqdiq haenj hih yienghmwnq bae bang gyoengqde,

⁷ aenvih gyoengqde dwg vih ij hawj vunz rox gij coh Yehsuh hwj ok bae he; gyoengqde caemh mij laeng doenghheij vunz mbouj rox Cangqdiq he aeu gijmaz.

⁸ Sojhij, luj doenghheij beixnuengx neix, gyoengqraeuz wnggai daih gyoengqde; yienghneix gyoengqraeuz couh dangq caeuq gyoengqde itheij guh gvanhhih saedsaeh hih gij hong neix.

⁹ Gou sij saenq hawj gyauqveiq goq, hoeng boux caenh haenj guh fexfex he Diuhdwzfeih, de mbouj dawz haeuj rwz gij vah gou.

¹⁰ Sojhij, hauhnaeuz gou bae mwnq nex, gou couh ij byoengq gij haexnyangj de okdaeuj hawj vunz rox, couh dwg naeuz de gangj doenghgij vah doegdoeg siebsieb he ma ngig gyoengqraeuz hih, luenh bangjlaih gyoengqraeuz hih. De mbouj danhcij yienghneix, vanzlij mbouj vuenhringz gyoengq beixnuengx mwnq; bonjfaenh de mbouj vuenhringz cixbah lo, hoeng vanzlij lanz hwj mbouj hawj doengh boux siengj vuenhringz he, simqciq boenq doengh boux de ok gyauqveiq bae.

¹¹ Cinhngaiq dih baengzyoux hax, gou naeuz hax, gaejyungh hag gij vaih he; wnggai hag gij ndei he. Guh ndei hih vunz cij suenq dwg buek vunz Cangqdiq; guh rwix guh vaih hih vunz, couh dwg naeuz de mbouj rox Cangqdiq.

¹² Daixgya cungj haenh Dihmijdiuh guh ndeisaeh; miz saedsaeh ndaej cingqmingz de. Gyoengqraeuz caemh ndaej cingqmingz de dwg yienghneix; faenhsou caemh rox gyoengqraeuz soj gangj hih cungj dwg saedsaeh he.

¹³ Gou vanzlij miz haujlai vah ijsiengj caeuq mwngz gangj haem, hoeng, gou mbouj siengj aeu bit aeu maeg ma caeuq mwngz gangj lo.

¹⁴ Gou muengh vaiqdi ndaej raen naj mwngz, ndaej naj doiq naj caeuq mwngz gangj.

¹⁵ Muengh mwngz bingzan! Gij baengzyoux dineix cungj cam mwngz ndei. Youq dineix, gou caemh cingj mwngz bang gou naj doiq naj hwj cam youq mwnq dih gak boux baengzyoux ndei bax!