Yozhanq Ngeih 1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Gou dwg boux vunz laux gangj vah vunz couh dingq he; gou sij saenq hawj Cangqdiq senj hih gyauqveiq caeuq gyauqveiq sojmiz hih vunz. Gou caensim aiq faenhsou, hoeng, mbouj gag gou aiq faenhsou law; sojmiz rox saedsaeh he dih vunz cungj caemh aiq faenhsou,

² aenvih ndaw sim faenhsou caeuq ndaw sim gyoengqraeuz yungjyenj miz saedsaeh.

³ Gou rox Cangqdiq Bohmbwn caeuq daeglwg de Yehsuh Gihduz ij doiq gyoengqraeuz haijliengh, ij cojgvaq gyoengqraeuz, caeuq ij hawj gyoengqraeuz bingzan; doenghgij neix cungj dwg de daj ndaw sim dih aiq caeuq saedsaeh he.

⁴ Bohmbwn mingqlingq gyoengqraeuz ciuq gij saedsaeh de bae guh; gou caemh angq raixcaix, aenvih gou raen gij vunz faenhsou ndaw de miz hih vunz rox gij saedsaeh de, ciuq gij saedsaeh de bae guh.

⁵ Sojhij, cinhngaiq dih gyauqveiq hax, gou seizneix doiq mwngz naeuz, gyoengqraeuz daixgya ij doxndei doxaiq. Gij neix mbouj dwg gou linghvaih saen dingh dih mingqlingq, dauq dwg gyoengqraeuz daj gaihcij cix dingq hih diuz mingqlingq mwnq lah.

⁶ Aiq couh dangq dwg gyoengqraeuz soenhsouj Bohmbwn dih mingqlingq; faenhsou daj gaihcij soj dingq dih mingqlingq couh dwg ij seiqseiz aiq.

⁷ Seizneix lajmbwn miz haujlai yaeuh vunz hih vunz. Gyoengqde mbouj nginh Yehsuh Gihduz daj gwnzmbwn roengz lajdeih daeuj guh vunz dih gij saedsaeh neix. Cungj vunz neix yaeuh vunz, dwg Yehsuh Gihduz dih dizyinz.

⁸ Sojhij faenhsou ij siujsim; siujsim le, faenhsou soj guh hih cij mbouj ngaiz vwt vangh, cij ndaej cangjliq liux.

⁹ Famz miz vunz mbouj ciuq Yehsuh gangj hih yienghmwnq ma guh, dauqfanj gag ciuq bonjfaenh dih siengjfap ma guh hih, couh dwg ndaw sim de mbouj miz Cangqdiq; doengh boux gyenhciz sinq gij saedsaeh Yehsuh hih vunz, ndaw sim de couh miz Bohmbwn caeuq miz daeglwg de.

¹⁰ Yiengq, hauhnaeuz miz vunz bae daengz laeng faenhsou mwnq, hoeng mbouj cenzgangj gij saedsaeh neix hih, couh mbouj ciep boux de haeuj ranz faenhsou bae, mbouj daih de, mbouj leixlangh boux de,

¹¹ aenvih leixlangh boux de caemhdangq caeuq boux de caemh buek vunz he guh vaihsaeh lo.

¹² Gou vanzlij miz haujlai vah ijsiengj caeuq faenhsou gangj, hoeng, mbouj siengj aeu ceij aeu maeg ma caeuq faenhsou gangj; siengj bae daengz faenhsou mwnq bae, caenndang naj doiq naj caeuq faenhsou gangj lah, yienghmwnq ndaej hawj gyoengqraeuz lai raen sim'angq.

¹³ Gyoengqraeuz gyauqveiq, Cangqdiq senj dih gyauqveiq, caeuq gyauqveiq sojmiz hih vunz cungj cam faenhsou ndei.