Yozhanq It 4 - Gij Baujcingq Moq Caeuq Geij Bonj Gij Baujcingq Daeuzdaeuz

Caen Hoenzsaenz caeuq gyaj hoenzsaenz

¹ Cinhngaiq dih baengzyoux hax, faenhsou gaejyungh baex dingq bouxlawz naeuz Hoenzsaenz Cangqdiq naeuz yienghneix yienghneix couh sinq; faenhsou dauq ij ngeixngeix yawj dwg mbouj dwg cingqcaen Hoenzsaenz Cangqdiq naeuz cij ndaej, aenvih lajmbwn gaenq miz haujlai boux gyaj hih boux cenz gij vah Cangqdiq he daeuj lo.

² Yiengq, faenhsou ij baenzlawz cij ndaej rox cingqcaen dwg Hoenzsaenz Cangqdiq naeuz hih nej? Couh dwg byawz nginh Yehsuh Gihduz dwg daeuj lajmbwn guh vunz hih, byawz couh dwg cingqcaen daj Cangqdiq mwnq baij daeuj hih lo.

³ Byawz mbouj nginh Yehsuh Gihduz dwg daeuj lajmbwn guh vunz hih, byawz couh mbouj dwg Cangqdiq baij daeuj hih; boux de dauq dwg daj boux caeuq Gihduz doxngig hih boux mwnq daeuj hih lah. (Doenghbaez faenhsou dingq daengz naeuz boux caeuq Gihduz doxngig hih boux mwnq ij daeuj hwj; gannaeuz boux de mijyaengz daeuj lah, hoeng, boux de gaenq ingjyangj baenx cenz lajmbwn lo.)

⁴ Lwg hax, faenhsou dwg haeuj buek vunz Cangqdiq hih, faenhsou caemh gaenq giengz goq doengh boux gyaj hih boux cenz gij vah Cangqdiq he lo, aenvih youq laeng faenhsou dih gij Hoenzsaenz mwnq ak goq lajmbwn dih gij hoenzsaenz mwnq.

⁵ Doengh boux neix dwg haeuj lajmbwn hih, sojhij gyoengqde dih yawjfap caemh dwg haeuj lajmbwn hih yawjfap, gij vunz cungj caemh dingq gyoengqde.

⁶ Hoeng gyoengqraeuz dwg haeuj buek vunz Cangqdiq. Rox Cangqdiq hih vunz cungj dingq gyoengqraeuz; mbouj haeuj buek vunz Cangqdiq hih couh mbouj dingq gyoengqraeuz. Yiengq, ciuq yienghneix ma yawj, gyoengqraeuz couh rox baenzlaw nginh ok miz saedsaeh dih Hoenzsaenz caeuq mbouj miz saedsaeh dih hoenzsaenz lo.

Cangqdiq couh dwg aiq

⁷ Cinhngaiq dih baengzyoux hax, gyoengqraeuz caezgya ij doxaiq, aenvih aiq gij doenj de dwg dajlaeng Cangqdiq daeuj hih. Famz miz aiq hih cungj dwg Cangqdiq dih lwg caemh rox Cangqdiq.

⁸ Doenghheij mbouj miz aiq hih couh mbouj rox Cangqdiq, aenvih Cangqdiq couh dwg aiq.

⁹ Cangqdiq baij daeglwg dog de daeuj lajmbwn, hawj gyoengqraeuz baengh de ndaej miz mingh; Cangqdiq yienghneix guh dwg hawj gyoengqraeuz rox de baenxlai aiq gyoengqraeuz.

¹⁰ Mbouj dwg gyoengqraeuz aiq Cangqdiq, dauq dwg Cangqdiq aiq gyoengqraeuz lah. De baij daeglwg de daeuj vih ij cueg gij coih gyoengqraeuz hwj vwt mingh. Gij neix couh dwg aiq.

¹¹ Cinhngaiq dih baengzyoux hax, giqyienz Cangqdiq baenxlai aiq gyoengqraeuz, yiengq gyoengqraeuz caemh ij wnggai doxaiq.

¹² Mij'z vunz raen goq Cangqdiq, hoeng hauhnaeuz gyoengqraeuz doxaiq, Cangqdiq couh caeuq gyoengqraeuz youq; gyoengqraeuz doxaiq couh dwg naeuz gij aiq de dunghgoq gyoengqraeuz ma fazveih okdaeuj liuxliux lo.

¹³ Cangqdiq nyok gij Hoenzsaenz de hawj gyoengqraeuz, hawj gyoengqraeuz rox gyoengqraeuz caeuq de caemh buek vunz he, de caemh caeuq gyoengqraeuz youq.

¹⁴ Gyoengqraeuz raen goq, caemh ndaej cingqmingz, Cangqdiq baij daeglwg de daeuj lajmbwn, dwg daeuj guh boux gouq vunz he.

¹⁵ Doengh boux nginh Yehsuh dwg daeglwg Cangqdiq hih, Cangqdiq couh caeuq de youq, de caemh dwg haeuj buek vunz Cangqdiq.

¹⁶ Sojhij, gyoengqraeuz caemh rox, caemh sinq Cangqdiq aiq gyoengqraeuz. Cangqdiq couh dwg aiq; ndaw sim bouxlawz miz aiq, bouxlawz couh youq ndaw rumq Cangqdiq youq, Cangqdiq couh caeuq boux de youq.

¹⁷ Yienghneix, aiq youq ndaw sim gyoengqraeuz ndaej fazveih, hawj gyoengqraeuz ndaej youq ngoenz saemjbuenq mwnq mbouj you mbouj heiq, aenvih Cangqdiq dwg yienghlawz aiq vunz, gyoengqraeuz youq lajmbwn caemh dwg yienghlawz aiq vunz.

¹⁸ Ndaw aiq ndaw de mbouj miz lau; cingqcaen aiq ndaej boenq deuz lau, aenvih lau couh dwg lau ngaiz fad. Lau hih vunz, couh dangq naeuz de mijyaengz ndaej guh daengz Cangqdiq yauhgyiuz hih gij aiq mwnq.

¹⁹ Gyoengqraeuz aiq vunz, dwg aenvih Cangqdiq sien aiq gyoengqraeuz.

²⁰ Hauhnaeuz miz vunz naeuz: “Gou aiq Cangqdiq,” hoeng de dauq haenq gij beixnuengx de, yiengq couh naeuz de gangj gyajvah; de cungj mij aiq de soj yawjraen hih beixnuengx, yiengq de ij baenzlaw bae aiq boux yawj mbouj ndaej raen dih Cangqdiq nej?

²¹ Sojhij, Gihduz mingqlingq gyoengqraeuz, aiq Cangqdiq caemh ij aiq beixnuengx.