Ok Ngaihgiz 5 - Gij Baujcingq Moq Caeuq Geij Bonj Gij Baujcingq Daeuzdaeuz

Mohsih caeuq Yaqlwnz bae laeng goengjvuengz

¹ Gajlaeng Mohsih caeuq Yaqlwnz bae laeng goengjvuengz, couh doiq de naeuz: “Yehhozvaz, Hijswzlez dih Cangqdiq, dwg yienghneix naeuz: ‘Coengq gij vunz gou okma, hawj gyoengqde bae daengz rogndoi bae; vih ij baiq gou, gyoengqde ij guh aen ciet he.’”

² Yiengq goengjvuengz han naeuz: “Yehhozvaz dwg bouxlawz? De miz maz bonjsaeh ndaej hawj gou dingq de, hawj gou coengq gij vunz Hijswzlez nej? Gou mbouj rox Yehhozvaz, caemh mbouj veiq coengq gij vunz Hijswzlez law.”

³ Gajlaeng gyoengqde naeuz: “Hihbwzlaiz vunz dih Cangqdiq yienh hawj raeuz raen; gouz mwngz hawj gyoengqraeuz byaij sam ngoenz dih roen bae daengz rogndoi, bae bwiz Yehhozvaz, raeuz dih Cangqdiq, mienxndaej de aeu rairaq hah, cixnaeuz bing hah, cax hah, doenghgij neix daeuj fad gyoengqraeuz, hoenx gyoengqraeuz.”

⁴ Goengjvuengz caiq doiq Mohsih caeuq Yaqlwnz naeuz: “Faenhsou vihmaz ij hawj gyoengq beksingq faenhsou gvangqgungh nej? Vaiq bae guh gij hong faenhsou bax!”

⁵ De caemhcaiq naeuz: “Yawj veiq! Vunz baenxlai lai lo, hoeng vanzlij mbouj siengj hawj gij vunz faenhsou guh hong. Mbouj guh hong, ij gw gijmaz; gwj rumz hajx!”

Goengjvuengz Ngaihgiz guqiq diuqgaz gij vunz Hijswzlez

⁶ Ngoenz mwnq, goengjvuengz raengq boux Ngaihgiz vunz cenmonz guenj gij vunzhoiq Hijswzlez he caeuq boux hoiqdaeuz Hijswzlez vunz he naeuz:

⁷ “Mboujcwnj faenhsou caiq hawj nyangj hawj gyoengqde guh cien daj cien lo. Aenvih gyoengqde daiq gyik lai, gyik gyangjgyangq, hawj gyoengqde gag bae cimh nyangj.

⁸ Hoeng, daj hih cien caemh ij luj gaxgonq yienghmwnq ityiengh lai, it di cungj mbouj ndaej noix. Gyoengqde vihliux ij deuzgyik couh daeuj gouz gou, laih naeuz: ‘Gyoengqraeuz ij bae bwiz raeuz dih cwnz. Hawj gyoengqraeuz bae bwiz bax!’

⁹ Sojhij gyoengqraeuz ij lai gya hong naek hawj gyoengqde cij ndaej, yiengq gyoengqde couh mij ndaej hoengq bae dingq doenghgij vah sauqyauz mwnq lo!”

¹⁰ Gajlaeng, boux Ngaihgiz vunz guenj gyoengq hoiq mwnq caeuq boux Hijswzlez vunz dang hoiqdaeuz mwnq ok daeuj doiq gij vunz Hijswzlez naeuz: “Goengjvuengz yienghneix naeuz: ‘Gou mbouj caiq hawj nyangj hawj faenhsou laem lo.

¹¹ Youq mwnqlawz cimh ndaej nyangj hih, faenhsou couh gag bae mwnqlaw cimh bax! Hoeng, gij hong faenhsou it di cungj mbouj ndaej noix.’”

¹² Gyoengq vunz Hijswzlez dingq le, cungj gag faensanq bae daengz Ngaihgiz gak dieg bae nyaeb nyangj nwnh hah, goenqfiengz nwnh hah ma guh nywj guh nyangj.

¹³ Goeng guenj gyoengq vunzhoiq mwnq vanzlij haep gyoengqde naeuz: “Faenhsou caemh ij luj gaxgonq miz nyangj hih yienghmwnq ityiengh, ngoenz he caemh ijaeu guh gij hong ngoenz de liux.”

¹⁴ Boux Ngaihgiz vunz guenj gyoengq hoiq mwnq vanzlij doh doengh boux youz Ngaihgiz vunz senj okdaeuj dih Hijswzlez vunz dang hoiqdaeuz he, caiq saemj gyoengqde naeuz: “Ngoenznaengz dingh hawj faenhsou guh hih cien, ngoenzlwenz caeuq ngoenzneix faenhsou vihmaz cungj mij ndaej luj gaxgonq guh liux nej?”

Hoiqdaeuz Hijswzlez vunz gouz goengjvuengz

¹⁵ Gajlaeng, Hijswzlez vunz dih hoiqdaeuz bae gouz goengjvuengz, naeuz: “Goengjvuengz, vihmaz ij yienghneix doiq bouxhoiq mwngz nej?

¹⁶ Vihmaz boux guenj gyoengq hoiq mwnq mbouj hawj nyangj hawj gyoengqraeuz sat lo, hoeng vanzlij caenhrox boenq hawj gyoengqraeuz guh cien nej? Seizneix bouxhoiq mwngz cungj ngaiz vunz doh lo. Doenghgij neix cungj dwg gij buqyaq mwngz dih loek.”

¹⁷ Hoeng, goengjvuengz dauqfanj han naeuz: “Faenhsou gyik gyangjgyangq! Cien gyik fanh gyik! Vanzlij miz naj daeuj gouz gou, laih naeuz: ‘Hawj gyoengqraeuz bae bwiz Yehhozvaz bax.’”

¹⁸ De caiq naeuz: “Vaiq maj guh hong! Mbouj hawj nyangj hawj gyoengqsou; cien caemh ij ciuqyiengh guh gaeuq soq okdaeuj gyau.”

¹⁹ Hijswzlez dih hoiqdaeuz baex rox naeuz ngoenznaengz guh dih cien cungj mbouj ndaej noix, couh rox naeuz beiqciz dawz lo.

²⁰ Gyoengqde dajlaeng goengjvuengz ok ma, ngamqngamq luj letlet nyangz Mohsih caeuq Yaqlwnz ndwn youq doiqmienh daengj gyoengqde.

²¹ Yiengq gyoengqde couh ndaq Mohsih caeuq Yaqlwnz naeuz: “Muengh Yehhozvaz ceihcaz faenhsou, fad faenhsou! Vih faenhsou hoh, guh hwj hawj gyoengqraeuz youq dangqnaj goengjvuengz caeuq gyoengq gaen henz ndang de haeu liux, mij dij saek haux cienz, caemhdangq ndenq cax hawj gyoengqde gaj raeuz lo.”

Mohsih ienq Cangqdiq

²² Gajlaeng, Mohsih maj daengz Yehhozvaz mwnq le, naeuz: “Cangqdiq hax, mwngz vihmaz yawj aen minzcuz neix mbouj dij? Vihmaz ij baij gou bae nej?

²³ Dajlwh gou hij gij mingzhiq mwngz bae cimh goengjvuengz, daiqbiuj mwngz caeuq de gangj vah le, de couh gaihcij doiq aen minzcuz neix mbouj ndei, yawj mbouj dij saek di, caiq hangz gyoengqde, hoeng mwngz dauqfanj mij gouq gyoengq vunz mwngz saek di.”