Ok Ngaihgiz 40 - Gij Baujcingq Moq Caeuq Geij Bonj Gij Baujcingq Daeuzdaeuz

Mohsih sat hong

¹ Yehhozvaz doiq Mohsih naeuz:

² “Mwngz ij youq yienznyied it hauh dap cangqbungz, couh dwg aen cangqbungz mwnq gou caeuq goengjsae dajbwiz doxraen he.

³ Dawz aen gvih coengq miz baengzgawq coengq haeuj ndaw de bae le, caiq aeu fanyiemz ma baex aen de hwj.

⁴ Caemh ij dawz aen daiz baij bingj buen haeujbae, baij gwnz daiz ndei hwj, caiq dawz aen gyaqdaeng buen haeujbae cang ndei.

⁵ Caemhcaiq dawz aen aeu gim ma guh hwj siu yieng he coengq youq dangqnaj aen gvih coengq miz baengzgawq, caiq venj fanyiemz bakdou cangqbungz hwj.

⁶ “Caemh dawz aen luz coemh doenghgij dajbwiz hih aen luz mwnq coengq cingq bakdou aen cangqbungz caeuq gou doxraen he hih caek rog de hwj.

⁷ Aen buenz dajswiq ij coux raemx hwj coengq youq cangqbungz caeuq gou doxraen he caeuq aen luz dajbwiz hih cungqgyan de.

⁸ Mwngz caemh ij veiz ndei veizciengz hwj, caiq venj fanyiemz bakdou veizciengz laem.

⁹ “Mwngz vanzlij ij aeu youz rang ma hoz haeuj cangqbungz caeuq de sojmiz hih doxgaiq, yiengq couh suenq gek hwnjdaeuj gvi haeuj gou.

¹⁰ Gajlaeng, caemhcaiq hoz aen luz coemh doenghgij hwj dajbwiz hih caeuq aen de sojmiz hih doxgaiq, hawj de gek hwnjdaeuj gvi haeuj gou.

¹¹ Mwngz vanzlij caiq hoz youz rang haeuj aen buenz dajswiq caeuq aen gyaq coengq buenz de bae, hawj de gek hwnjdaeuj gvi haeuj gou.

¹² “Mwngz ij daiq Yaqlwnz caeuq doengh daeglwg de daengz bakdou aen cangqbungz caeuq gou doxraen he bae; mwngz ij youq mwnq bang gyoengqde swiq ndang.

¹³ Mwngz caemh ij bang Yaqlwnz daenj diuz buh mwh daeuj swqhaeuh gou cij ndaej daenj hih diuz buh mwnq, caiq raix youz rang haeuj laeng de bae, hawj de gaglingh okdaeuj guh goengjsae dajbwiz daeuj swqhaeuh gou he.

¹⁴ Caemhcaiq bang doengh daeglwg de daenj buhbauz,

¹⁵ caemh luj raix youz haeuj laeng daxboh gyoengqde bae hih yienghmwnq, raix youz hawj gyoengqde, hawj gyoengqde caeuq doengh daih gajlaeng de cungj dwg guh goengjsae dajbwiz hwj daeuj swqhaeuh gou.”

¹⁶ Doenghgij neix, Mohsih cungj ciuq Yehhozvaz raengq hih yienghmwnq bae guh.

¹⁷ Daengz daixngeih bi, couh dwg gij vunz Hijswzlez ok Ngaihgiz ma hih daixngeih bi dih yienznyied it hauh, cangqbungz couh dap hwnjdaeuj lo.

¹⁸ Mohsih dawz doengh aen cap an ndei, cap doengh dip benj hwnjdaeuj, con doengh diuz lanz vang he ndei le, couh cap ndei doengh diuz dongh.

¹⁹ De caiq ciuq Yehhozvaz raengq hih yienghmwnq goemq aen cangqbungz, caiq goemq doengh caengz ceiq gwnz dingj de.

²⁰ De caiq dawz baj rin dik miz fazliz coengq haeuj ndaw gvih coengq miz baengzgawq bae, dawz diuz faex ram de con haeuj aen gyengx song henz de bae, dawz fagoemqcoih coengq hwnj gwnz de bae.

²¹ Gajlaeng couh dawz aen gvih coengq miz baengzgawq coengq haeuj ndaw cangqbungz bae, venj yiemz baex hwj. Doenghgij neix cungj dwg ciuq Yehhozvaz raengq hih yienghmwnq bae guh.

²² Mohsih caiq dawz aen daiz baij bingj coengq haeuj ndaw cangqbungz hih mbiengj baixbaek bae, youq baixrog fanyiemz.

²³ Gwnz daiz baij miz soengq hawj Yehhozvaz hih bingj. Doenghgij neix cungj dwg ciuq Yehhozvaz raengq hih yienghmwnq bae guh he.

²⁴ Mohsih caemh dawz aen gyaqdaeng coengq youq ndaw cangqbungz hih mbiengj baixnamz caeuq aen daiz baij bingj doxdoiq.

²⁵ Gajlaeng caiq diemj daeng hawj Yehhozvaz. Gij neix cungj dwg ciuq Yehhozvaz raengq hih yienghmwnq bae guh.

²⁶ De caiq dawz aen aeu gim ma guh hwj siu yieng he coengq youq ndaw cangqbungz caeuq Cangqdiq doxraen he hih baixrog fanyiemz,

²⁷ ciuq Yehhozvaz raengq hih, youq gwnz aen de siu gij yieng rang fwtfwt he,

²⁸ caiq venj fanyiemz bakdou cangqbungz.

²⁹ De caiq dawz aen luz coemh doenghgij hwj dajbwiz he coengq youq dangqnaj cangqbungz, youq ndaw de coemh cwz coemh yiengz caiq coemh mbamienh hwj dajbwiz. Doenghgij neix cungj dwg ciuq Yehhozvaz raengq Mohsih hih yienghmwnq bae guh he.

³⁰ Mohsih dawz aen buenz dajswiq coux raemx hwj coengq youq aen cangqbungz caeuq Cangqdiq doxraen he caeuq aen luz coemh doenghgij hwj dajbwiz hih cungqgyan de.

^31-32 Bienqnaengz Mohsih caeuq Yaqlwnz caeuq doengh daeglwg Yaqlwnz [32a]haeuj aen cangqbungz caeuq Cangqdiq doxraen he bae cixnaeuz bae daengz aen luz coemh doenghgij hwj dajbwiz hih mwhde, [31b]cungj ij youq dineix swiq fawz swiq ha. [32b]Gij neix cungj dwg ciuq Yehhozvaz raengq hih yienghmwnq bae guh.

³³ Mohsih youq cangqbungz caeuq aen luz coemh hwj dajbwiz hih seiqhenz de guh veizciengz, caemh venj fanyiemz bakdou veizciengz. Couh yienghneix, sojmiz hih cungj guh liux lo.

Gij ronghndongq Yehhozvaz

³⁴ Doenghgij hong neix guh sat mwhde, miz fwj daeuj guem aen cangqbungz caeuq Cangqdiq doxraen he. Gij ronghndongq Yehhozvaz rongh youq ndaw de myig myiengzmyiengz.

³⁵ Daiqlienz Mohsih cungj mbouj ndaej haeuj bae, aenvih gij fwj dingz youq gwnz aen cangqbungz caeuq Cangqdiq doxraen he, gij ronghndongq Yehhozvaz cungj myig baenx cenz cangqbungz liux.

³⁶ Gij vunz Hijswzlez moix it baez roeb daengz gij fwj daj cangqbungz swng hwnjbae mwhde, gyoengqde couh ij buen deuz.

³⁷ Hauhnaeuz gij fwj mbouj swng deuz, vanzlij dingz youq cangqbungz nex, gyoengqde caemh mbouj buen deuz, cungj dwg daengj daengz gij fwj swng hwnjbae, gyoengqde cij buen deuz.

³⁸ Youq gyoengqde itloh itloh bae hih mwhde, doengxngoenz gyoengqde raen gij fwj Yehhozvaz dingz youq gwnz cangqbungz, doengxhaemh raen gij fwj ndaw de daiq miz feiz rongh hwj.