Ok Ngaihgiz 32 - Gij Baujcingq Moq Caeuq Geij Bonj Gij Baujcingq Daeuzdaeuz

Cwzlwg gim

¹ Caiq gangj daengz Mohsih hwnj bya bae, gij vunz Hijswzlez raen Mohsih baenx gauqcaez lo, vanzlij mijyaengz raen roengz bya ma, yiengq gyoengqde couh daixgya bae cam Yaqlwnz naeuz: “Boux daiq gyoengqraeuz daj Ngaihgiz okma hih hax, mbouj rox hih de seizneix baenzlawz yiengh lah. Mboujyienz mwngz cauh duz you he daeuj daiq gyoengqraeuz bax!”

² Yaqlwnz dingq le, couh doiq gyoengqde naeuz: “Faenhsou duet aeu gij ngaexgim heij yah heij lwg faenhsou dawz daeuj hawj gou bax.”

³ Gajlaeng, gyoengqde sojmiz hih vunz cungj duet dawz bae hawj Yaqlwnz.

⁴ Yaqlwnz couh dawz doenghgij ngaexgim neix ma diz guh duz cwzlwg daeg he. Gyoengqde raen le, cungj hemq naeuz: “Hijswzlez vunz hax! Gij neix couh dwg daiq mwngz ok Ngaihgiz ma dih cwnz!”

⁵ Yaqlwnz raen yienghneix le, couh youq dangqnaj duz cwzlwg neix caeb aen luz dajbwiz he, caiq yiengq gyoengq vunz senhbuq naeuz: “Ngoenzcog ij vih Yehhozvaz souj ciet.”

⁶ Yiengq daengz ngoenz daixngeih daihcaeux, gyoengq vunz couh ying doenghduz daeuj coemh hwj dajbwiz caeuq bwiz doxhuz. Bwiz sat le, caiq gwgw angqangq, rek ruxrux.

⁷ Yiengq caiq gangj daengz Mohsih youq gwnz bya Sihnaiq, Yehhozvaz doiq de gangj vah sat le, de vanzlij caiq doiq Mohsih naeuz: “Mwngz vaiqdi roengz maj bax, aenvih mwngz daj Ngaihgiz daiq okma hih gij vunz mwngz famh coih lo.

⁸ Gyoengqde baenxlai vaiq couh lumz gou soj raengq gyoengqde dih vah, gag diz duz cwzlwg he hwj ma baiq, vanzlij naeuz: ‘Hijswzlez vunz hax, duz cwz neix dwg daiq mwngz daj Ngaihgiz okma dih cwnz!’”

⁹ Yehhozvaz caiq doiq Mohsih naeuz: “Gou rox gyoengq vunz neix nga'ngangq ij rai.

¹⁰ Seizneix mwngz gaejyungh lanz gou; caih gou fatheiq gyoengqde, fatheiq hawj gyoengqde rairaeg raicied bae, hawj doengh daih gajlaeng mwngz fat lai hwj bienqbaenz aen guek hunghung he bae.”

¹¹ Gajlaeng, Mohsih gouz Yehhozvaz, de dih Cangqdiq, naeuz: “Yehhozvaz hax, mwngz vihmaz doiq gij vunz mwngz fatheiq nex? Gyoengqde dwg mwngz yungh gij akak rengzrengz mwngz dajlwh Ngaihgiz daiq gyoengqde okma hah.

¹² Vihmaz ij hawj gij vunz Ngaihgiz luenhlaih naeuz mwngz guqiq daiq gyoengqde ok Ngaihgiz ma, siengj hawj gyoengqde rai youq gwnz bya, hawj gyoengqde rairaeg raicied bae nej? Gouz mwngz gaejyungh aeuqheiq, gaejyungh hawj gyoengqde souh nanh.

¹³ Gouz mwngz ndaejgeiq bouxhoiq mwngz Yaqbwzlahhanj, Hijsaj caeuq Hijswzlez, ndaejgeiq mwngz doiq gyoengqde yungh gij coh bonjfaenh mwngz ma fazsiq goq, ij hawj doengh daih gajlaeng gyoengqde fatdad lailai hwj luj gij ndaundeiq gwnzmbwn, vanzlij dawz mwngz dapwngq goq dih mwnq dieg mwnq soengq hawj doengh daih gajlaeng gyoengqde ma guh gyadangq, caemh dwg seiqseiz mbouj rox duet he dih gyadangq.”

¹⁴ Mohsih yienghneix gouz le, gajlaeng Yehhozvaz couh sim'unq hwj hozroengz mbouj caiq fatheiq, mbouj hawj gij vunz Hijswzlez ngaiz raicied lo.

^15-16 Yiengq Mohsih couh dawz [16a]Cangqdiq caenfawz guh hih song baj rin [15b,16b]song mbiengj cungj dik miz fazliz he [15a]roengz bya ma lo.

¹⁷ Mwh de roengz bya ma hih mwhde, Yozcuhyaq baex dingqri gyoengq vunz hemq yuxyux he, couh doiq Mohsih naeuz: “Youq ndaw yingz miz sing doxhoenx.”

¹⁸ Mohsih han naeuz: “Ox, mbouj dwg! Mbouj dwg sing doxhoenx; sing hoenxhingz cix mbouj dwg, sing hoenx saw cix mbouj dwg. Gou dingqri hih dauq dwg sing vunz ciengq go lah.”

¹⁹ Gajlaeng Mohsih byaij gaenh gyoengq vunz le, couh yawjraen cwzlwg gim caeuq gyoengq vunz saetsaet diuqdiuq, yiengq de couh hujheiq dengxdengx hwj dawz song baj rin dik miz fazliz hih boemz youq laj dinbya, soiq liux.

²⁰ Caiq dawz gyoengqde diz hih duz cwzlwg mwnq coemh bae, muh mienzmienz hwj saj roengz raemx bae fad hawj gyoengqde gw.

²¹ De yienghneix guh le, couh doiq Yaqlwnz naeuz: “Gyoengq vunz neix doiq mwngz guh lo gijmaz? Mwngz vihmaz hawj gyoengqde gij coih naek neix!”

²² Hoeng, Yaqlwnz de dauq han naeuz: “Bouxcawj hax, gouz mwngz gaejyungh fatheiq. Mwngz caemh rox, gij vunz neix cungj haenj guh yak guh rwix.

²³ Gyoengqde doiq gou naeuz: ‘Gyoengqraeuz mbouj rox boux daiq gyoengqraeuz ok Ngaihgiz ma hih boux mwnq, mbouj rox hih de ngaiz roeb daengz gijmaz saeh. Sojhij mwngz guh duz you he ma daiq gyoengqraeuz.’

²⁴ Yiengq gou couh doiq gyoengqde naeuz: ‘Bouxlawz raek miz gim hih aeu daeuj hawj gou.’ Gajlaeng gyoengqde couh dawz daeuj hawj gou; gou couh gveng haeuj feiz bae, duz cwzlwg neix couh ok daeuj lo.”

²⁵ Mohsih raen Yaqlwnz mbouj guenj gyoengq vunz, sawj gyoengqde baenxlai laengzsaengj, hawj dizyinz dawz ma guh vahriu.

²⁶ De raen yienghneix le, couh ndwn youq bak yingz, hemq gyoengq vunz naeuz: “Bouxlawz haenj haeuj Yehhozvaz hih, couh goq gou mwnqneix daeuj!” Gajlaeng gij lwglan Liqveiq cungj goq laeng de mwnq bae doxcomz.

²⁷ De couh doiq gyoengqde naeuz: “Yehhozvaz, Hijswzlez dih Cangqdiq, yienghneix naeuz: ‘Faenhsou gak vunz cungj ij dawz giemq hwj daj ndaw yingz hih bakdou neix daengz bakdou mwnq byaij bae ma song ngaux, nyangz beixnuengx gaj beixnuengx, nyangz baengzyoux gaj baengzyoux, nyangz gekleiz gaj gekleiz.’”

²⁸ Yiengq gij lwglan Liqveiq caemh ciuq gij vah Mohsih bae guh lo. Ngoenz mwnq, ngaiz gaj hih vunz daihgaiq miz samcien vunz.

²⁹ Mohsih caiq doiq gij vunz Liqveiq naeuz: “Ngoenzneix faenhsou gaglingh okma gvi hawj Yehhozvaz, dingq gij vah de, gaj gij lwg bonjfaenh, gaj gij goengjlungz nuengxau caeuq gaj baengzyoux. Yiengq Yehhozvaz couh soengq fuk hawj faenhsou.”

³⁰ Daengz ngoenz daixngeih, Mohsih doiq gyoengq vunz naeuz: “Faenhsou famh coih hung lo. Seizneix gou ij doiqyungz hwnj bae laeng Yehhozvaz, saekseiz lij ij ndaej bang faenhsou gouz de mienx gij coih faenhsou.”

³¹ Mohsih dauq bae daengz Yehhozvaz mwnq, naeuz: “Aex! Gyoengq vunz neix famh coih hung lo, gag cauh you hwj baiq.

³² Gouz mwngz mienx gij coih gyoengqde; hauhnaeuz mwngz mbouj nyienh mienx gij coih gyoengqde nex, couh cingj mwngz dajlwh bonjbouh mwngz geiq miz mingzcoh he cawz gij coh gou bae.”

³³ Gajlaeng Yehhozvaz doiq Mohsih naeuz: “Bouxlawz daekcoih gou, gou couh daj ndaw bonjbouh gou duz gij coh bouxlawz.

³⁴ Mwngz seizneix bae daiq gyoengq vunz bae mwnq gou naeuz mwngz ni hih mwnq dieg mwnq bae; miz bouxcai gou youq dangqnaj faenhsou daiq roen. Cijmboujgoq, cungj veiq miz ngoenz he, gou ij fad gyoengqde.”

³⁵ Aenvih gyoengq vunz hawj Yaqlwnz cauh cwzlwg ma baiq, sojhij, Yehhozvaz couh hawj gyoengqde miz nanh.