Ok Ngaihgiz 13 - Gij Baujcingq Moq Caeuq Geij Bonj Gij Baujcingq Daeuzdaeuz

Lwgdaeuz ij gvi hawj Yehhozvaz

¹ Gajlaeng, Yehhozvaz doiq Mohsih naeuz:

² “Hijswzlez vunz hih doenghheij lwgdaeuz he, mboujguenj vunz haj cixnaeuz doengh duz cukseng, cungj dwg gou he, ij gvi hawj gou.”

³ Yehhozvaz doiq Mohsih yienghneix naeuz le, Mohsih couh doiq gij vunz Hijswzlez naeuz: “Faenhsou ijaeu ndaejgeiq ngoenz neix; ngoenz neix dwg Yehhozvaz yungh gij akak rengzrengz de dajlaeng Ngaihgiz daiq faenhsou okma, dwg hawj faenhsou ndaej duet ok guh hoiq dih ngoenz neix. Ngoenz neix faenhsou mbouj ndaej gw gij fat goq dih bingj.

⁴ Faenhsou dwg youq ndwen Yaqbiz dih ngoenz neix dajlwh Ngaihgiz ok ma he.

⁵ Baezneix Yehhozvaz ij daiq faenhsou bae daengz mwnq dieg Gyahnamz vunz hah, Hwz vunz hah, Yaqmohliq vunz hah, Hihveiq vunz hah, caeuq Yehbuqswh vunz hah youq hih mwnq dieg mwnq bae, couh dwg de yiengq cojgoeng faenhsou baujcingq goq hih mwnq dieg gvangq yubyub, doem cix biz he, ndaem gogo cungj baenz he dih mwnq dieg mwnq bae. Daengz mwhmwnq, faenhsou moix it bi dih ndwen neix cungj ij souj aen ciet neix.

⁶ Youq caet ngoenz ndaw de, faenhsou caenhgag ndaej gw mij fat goq dih bingj. Daengz daixcaet ngoenz, faenhsou ij souj aen ciet neix hwj geiqniemh Yehhozvaz.

⁷ Caet ngoenz neix faenhsou ij gw mij fat goq dih bingj; youq dieg faenhsou mboujcwnj raen miz fat goq dih bingj, caemh mboujcwnj raen miz yauqmuj.

⁸ “Daengz ngoenz mwnq, faenhsou ij naeuz gij lwglan faenhsou ni, naeuz: ‘Vih ij geiqniemh Yehhozvaz daj Ngaihgiz gouq gou okma hwj gyoengqraeuz couh ij yienghneix guh.’

⁹ Souj aen ciet neix couh dwg ij daezsingj faenhsou, caemh lujnaeuz youq gwnz fawz faenhsou geiq miz gijmaz geiqhauh hwj, caeuq youq najbyak faenhsou geiq miz gijmaz geiqhauh hwj, sawj faenhsou siengzseiz dawz gij fazliz Yehhozvaz dauh youq ndaw bak, aenvih Yehhozvaz yungh gij akak rengzrengz de daj Ngaihgiz gouq faenhsou okma.

¹⁰ Sojhij faenhsou moix it bi, daengz mwhde cungj ij soenhsouj gij gveihdingq neix.

¹¹ “Yehhozvaz yiengq faenhsou caeuq cojgoeng faenhsou baujcingq goq ij daiq faenhsou bae dieg Gyahnamz, dawz mwnq dieg mwnq soengq hawj faenhsou.

¹² Daengz mwhmwnq, faenhsou ij dawz sojmiz dih lwgdaeuz vunzsai, caeuq doengh duz cukseng hih duz daeg daeuz he cungj ij gvi hawj Yehhozvaz.

¹³ Hoeng, hauhnaeuz dwg duz lawzdaeg daeuz hih, cungj ij aeu yiengzlwg ma cueg. Hauhnaeuz mbouj cueg nex, couh ij ngaiz doh raek gij hoz duz lawzdaeg. Youq doengh daeglwg faenhsou ndaw de, dwg lwgdaeuz hih cungj ij cueg ma.

¹⁴ “Baezneix, doengh daeglwg mwngz cam mwngz naeuz: ‘Gij neix dwg gijmaz iqswh?’ yiengq mwngz couh naeuz: ‘Yehhozvaz yungh gij akak rengzrengz de dajlaeng gyoengqraeuz youq Ngaihgiz guh hoiq hih mwnq daiq gyoengqraeuz okma.

¹⁵ Mwhmwnq, goengjvuengz Ngaihgiz ngengh mbouj coengq gyoengqraeuz okma, yiengq, Yehhozvaz couh dawz Ngaihgiz sojmiz dih lwgdaeuz, mboujguenj vunz haj cixnaeuz doengh duz cukseng, cungj gajrai liux. Sojhij gou couh aeu sojmiz hih doengh duz cukseng hih lwgdaeuz daeg ma guh dajbwiz hawj Yehhozvaz. Hoeng, lwg vunzsai daeuz cungj ij cueg ma.

¹⁶ Gyoengqraeuz soenhsouj gij gveihdingq neix dwg daezsingj gyoengqraeuz, caemh luj youq gwnz fawz caeuq najbyak geiq miz gijmaz geiqhauh hwj ityiengh, hawj gyoengqraeuz ndaejgeiq dwg Yehhozvaz yungh gij akak rengzrengz de ma daiq gyoengqraeuz dajlwh Ngaihgiz okma.’”

Ok Ngaihgiz byaij hih roen

¹⁷ Goengjvuengz coengq gij vunz Hijswzlez okma hih mwhde, Yehhozvaz mij daiq gyoengqde byaij goq diuz roen gaenh mwnq bae (diuz roen gaenh neix dwg goq gij dieg gij vunz Feihliqswq he), engq daiq gyoengqde byaij goq daixlingh mbiengj bae lah. Yehhozvaz de naeuz: “Hoengjlau gij beksingq gou roeb daengz hoenxciengq le, couh ienq hwj dauqlaeng maj Ngaihgiz boiz nej.”

¹⁸ Sojhij Cangqdiq couh daiq gij vunz de gvax goq diuz roen ndoi he, bae daengz henz haij miz em lai he. Gij vunz Hijswzlez ok Ngaihgiz ma hih mwhde, caenh lujnaeuz bae hoenxciengq nwih.

¹⁹ Mohsih caemh daiq gij ndok Yozswz okma, aenvih Yozswz hawj gij vunz Hijswzlez baujcingq goq, naeuz: “Cangqdiq itdingh daeuj gouq faenhsou. Daengz mwhmwnq, faenhsou itdingh ij daiq gij ndok gou caeuq faenhsou maj.”

²⁰ Yiengq, gyoengqde daj Suhgoz gaihcij okdin bae, youq henz ndoi mwnq heuh Hijdangj he cap yingz youq.

²¹ Doengxngoenz Yehhozvaz youq ndaw fwj; gij fwj luj diuz saeu he daiq roen hawj gyoengqde. Doengxngwnz Yehhozvaz youq ndaw feiz; gij feiz luj diuz saeu he ciuq roen hawj gyoengqde, hawj gyoengqde singjngwnz cungj ndaej byaij roen.

²² Doengxngoenz diuz saeu fwj, doengxngwnz diuz saeu feiz cungj mbouj liz dangqnaj gyoengqde.