Lozmaj Saw 2 - Gij Baujcingq Moq Caeuq Geij Bonj Gij Baujcingq Daeuzdaeuz

Cangqdiq ciuq gak vunz soj guh hih ma saemjbuenq vunz

¹ Sojhij gou naeuz faenhsou hax, mboujguenj mwngz dwg byawz, bingzbuenq vunz hih, mwngz cungj dwg mbouj deng, dwg mbouj ndaej nyiuz hih, aenvih bonjfaenh mwngz caemh caeuq vunz guh doxdoengz hih, wnggai fad hih. Yiengq, hauhnaeuz mwngz yienghmwnq naeuz nex, caemhdangq mwngz gag dingh coih hawj bonjfaenh mwngz lo.

² Raeuz caemh rox, Cangqdiq ciuq saedsaeh ma saemjbuenq guh vaihsaeh hih vunz.

³ Gou naeuz faenhsou hax, mwngz gamj naeuz vunz guh vaihsaeh, wnggai fad, hoeng, bonjfaenh mwngz caemh mbouj dwg ciuqyiengh caeuq boux de guh doxdoengz maz? Mwngz naemqnaeuz mwngz ndaej deuz ok Cangqdiq dih saemjbuenq hajx?

⁴ Mwngz dwg mbouj dwg riu Cangqdiq sim'unq, haijliengh caeuq naenxsim raixcaix? Mwngz wnggai rox, Cangqdiq sim'unq dwg ij hawj faenhsou nginh loek gaijgoq hih!

⁵ Hoeng, mwngz simgyeng nga'ngangq, yiengq Cangqdiq couh yied ngoenz yied aeuqheiq, guh hwj daengz ngoenz de gunghgaih gunghbingz saemjbuenq hih ngoenz mwnq, mwngz engqgya ngaiz fad naek ndaej lai,

⁶ aenvih de ciuq gak vunz soj guh hih, ndei hih hawj ndei, vaih hih bauqwngq hawj vunz.

⁷ Daengz saemjbuenq mwhde, de couh ij hawj doenghheij vih siengj ndaej daengz najrongh caeuq seiqseiz lix hwj gyenhciz guh ndeisaeh dih vunz, hawj gyoengqde mbouj rox rai, hawj gyoengqde seiqseiz caeuq de youq.

⁸ Hoeng doiq doenghheij caenhrox bonjfaenh, mbouj rox daengz vunz, yiem ciuq saedsaeh he, dauq bae gouzcimh doenghheij doegsieb mbouj dwg ciuq saedsaeh he dih vunz, Cangqdiq gaengjdingq aeuqheiq, fad gyoengqde.

⁹ Sojmiz guh doeg guh sieb hih gaengjdingq ngaiz souh haemz souh hoj, daixit, sien dwg gij vunz Youzdaiq, gajlaeng cij daengz gij vunz linghvaih minzcuz he;

¹⁰ hoeng sojmiz guh ndei he, Cangqdiq dauq haenh gyoengqde, hawj gyoengqde roxnginh najrongh, roxnginh sim'onj, daixit, sien dwg gij vunz Youzdaiq, gajlaeng cij daengz gij vunz linghvaih minzcuz he.

¹¹ Aenvih Cangqdiq doiq bouxboux cungj doxdoengz.

¹² Doenghheij linghvaih minzcuz mbouj miz Mohsih fazliz hih vunz famh coih hih ciuqyiengh ngaiz byoeng; Youzdaiq vunz miz Mohsih fazliz, hoeng famh coih hih, caemh ij ciuq Mohsih fazliz ma saemjbuenq,

¹³ aenvih youq ndaw lwgra Cangqdiq suenq dwg mij'z coih hih vunz hih, mbouj dwg doenghheij vunz caenhgag dingq daengz Mohsih dih fazliz he nej, dauq dwg doenghheij vunz ciuq Mohsih dih fazliz bae guh he lah.

¹⁴ Doenghheij linghvaih minzcuz mwnq, gannaeuz mbouj miz Mohsih dih fazliz lah, hoeng, hauhnaeuz gyoengqde ciuq gij cawjeiq bonjfaenh ma guh gij hab Mohsih dih fazliz he, yiengq bonjfaenh gyoengqde couh dwg fazliz lo.

¹⁵ Gyoengqde yienghneix guh couh cingqmingz naeuz ndaw sim gyoengqde caemh rox fazliz dih yauhgyiuz. Sojhij, hauhnaeuz gyoengqde guh vaihsaeh nex, couh gag roxnginh dwg miz coih hih; hauhnaeuz gyoengqde guh ndeisaeh nex, couh roxnginh bonjfaenh guh ndaej deng.

¹⁶ Yiengq couh dwg daengz Cangqdiq dunghgoq Yehsuh Gihduz daeuj saemjbuenq vunz, couh dwg saemjbuenq gij saeh yo youq ndaw sim vunz hih ngoenz mwnq, gij neix cungj dwg luj gou soj cenz hih ndei siuhsiz.

Youzdaiq vunz caeuq fazliz

¹⁷ Faenhsou Youzdaiq vunz dwg gij vunz Cangqdiq, ndaej baengh Mohsih dih fazliz, hoeng, faenhsou daiq daekeiq lai.

¹⁸ Faenhsou gaenq ndaej hag Mohsih dih fazliz, ndaej rox daengz gij cawjeiq Cangqdiq, ndaej rox faenbied ndei caeuq yak he;

¹⁹ faenhsou couh gag naemqnaeuz bonjfaenh dwg boux daz roen hawj vunz rafangz he, dwg luj aen daeng ciuq rongh ndaw laep he,

²⁰ dwg vunz ngawz dih goengjsae, dwg lwgngez dih lauxsae. Mwngz yienghneix naemqnaeuz, dwg aenvih mwngz miz Mohsih dih fazliz, mwngz couh gaenq rox sojmiz Cangqdiq hawj vunz rox dih saedsaeh lo.

²¹ Yiengq, giqyienz mwngz son vunz lo, nanzdauh mwngz mbouj gag son bonjfaenh mwngz haj? Mwngz son vunz mbouj hawj vunz guxcaeg lo, hoeng, vihmaz bonjfaenh mwngz dauq bae guxcaeg he nej?

²² Mwngz vihmaz naeuz vunz mbouj ndaej bae guhyoux lo, hoeng, bonjfaenh mwngz dauq bae guh guhyoux he? Mwngz dwgcaengz duz you, hoeng, mwngz dauq bae caeg aeu doenghgij doxgaiq ndaw miuh?

²³ Mwngz gag cej bonjfaenh miz Mohsih dih fazliz, hoeng, mwngz miz mbouj miz boqvaiq gij fazliz de hwj saetnaj Cangqdiq nej?

²⁴ Couh luj ndaw Singqgingh ndaw de sij naeuz: Vih gij Youzdaiq vunz faenhsou dih yienzyouz hwj gij mingzhiq Cangqdiq ngaiz souh daengz gij vunz linghvaih minzcuz he sai.

²⁵ Yiengq, caiq hauhnaeuz mwngz soenhsouj fazliz nex, mwngz gozlij couh miz yungh lo; hauhnaeuz veizfanj fazliz nex, mwngz gozlij couh mij saek di yungh, caemhdangq mij gozlij lo.

²⁶ Ciuq luj yienghneix ma yawj hax, doengh boux mij gozlij he, hauhnaeuz de soenhsouj fazliz lo, yiengq mbouj caemhdangq naeuz boux de gaenq gozlij lo mah?

²⁷ Doenghheij gannaeuz mij gozlij he, hoeng dauq soenhsouj fazliz hih doenghheij vunz neix, cungj ij miz ngoenz he ij daeuj dingh hawj mwngz miz coih, aenvih mwngz gan miz fazliz saw, caemh gozlij hwj, hoeng, dauq veizfanj fazliz.

^28-29 Cingqcaen dwg Youzdaiq vunz hih, naeuz aeu mbouj suenq; [29a]ndaw sim nginh naeuz dwg, cij suenq dwg. [28b]Cingqcaen dwg gozlij hih, mbouj dwg naeuz geiqhauh youq gwnz ndang couh suenq dwg gozlij; [29b]ij dwg geiqhauh youq ndaw sim cij suenq dwg. Cingqcaen gozlij hih, dwg Hoenzsaenz Cangqdiq guh cij suenq dwg, mbouj dwg naeuz vunz ciuq fazliz dingh hih yienghmwnq bae guh hih. Luj yienghneix hih vunz mbouj dwg vunz haenh hih, dauq dwg Cangqdiq haenh hih lah.