Lizsij dih Gaihcij 50 - Gij Baujcingq Moq Caeuq Geij Bonj Gij Baujcingq Daeuzdaeuz

Ok Yajgoz

¹ Yajgoz rai gvaqseiq le, Yozswz got dawz daxboh de bamq roengz baj naj de bae daej haemz wekwek, caemh cup baj naj de.

² Gajlaeng, Yozswz couh raengq doengh boux canghyw gaen henz ndang de, hawj gyoengqde aeu yanghliuq ma loengh hawj gij seihaiz daxboh de mbouj hawj de naeuh; doengh boux canghyw de caemh ciuq guh lo.

³ Gyoengqde caemh luj bienqnaengz ityiengh, yungh seiqcib ngoenz cij guh liux mbouj hawj gij seihaiz naeuh he. Gij vunz Ngaihgiz souj Yajgoz daej baenx caetcib ngoenz.

⁴ Goq soujsangq le, Yozswz doiq gyoengq daqcwnz goengjvuengz naeuz: “Cingj faenhsou bang gou naeuz goengjvuengz ni, naeuz

⁵ daxboh gou hawj gou baujcingq hawj gou dawz de moek youq bonjfaenh de youq Gyahnamz gag cwnjbiq dih mwnq diegmoh mwnq; sojhij cingj mwngz bihcwnj hawj gou bae cangq daxboh gou. Cangq ndaej le, gou couh majcangq ma lo.”

⁶ Yiengq goengjvuengz couh bihcwnj hawj de bae, naeuz: “Mwngz couh ciuq gaxgonq mwngz baenzlawz dapwngq daxboh mwngz bae guh bax!”

⁷ Couh yienghneix, Yozswz couh bae cangq daxboh de, caemh miz gyoengq vunz youq Ngaihgiz dang haemq ak he hah, doenghheij gyoengq daqcwnz caeuq gyoengq hoiq goengjvuengz hah, caeuq ndaw gyahcuz goengjvuengz gij vunz haemq cungqyauq he hah cungj gaen de bae.

⁸ Yozswz cenz ranz caeuq gyoengq goengjlungz nuengxau de caeuq Yajgoz cenz ranz cungj caemh itheij bae, caenhgag lij lw gij lwgngez caeuq yiengz hah, cwz hah, youq dieg Gohsanh lo.

⁹ Caemh miz gyoengq bing dawz doenghheij ci hoenxciengq he hah, gyoengq bingmax hah, baenx buek baenx buek doxcaeuq bae.

¹⁰ Gyoengqde bae daengz mwnq caiqcangz he heuh Yaqdaz (Yaqdaz couh dwg youq diuz dah Yozdanq hih daixlingh mbiengj he), gyoengqde youq mwnq coengq sing daej engxengx. Youq mwnq Yozswz soujsangq baenx caet ngoenz.

¹¹ Gij vunz Gyahnamz mwnq raen miz vunz youq Yaqdaz daej baenx geij ngoenz, couh naeuz: “Gij vunz Ngaihgiz daej vunzrai, daej hwj baenxlai siengsim!” Sojhij mwnq dieg mwnq couh heuh Yaqbwz-Mwzsih. (‘Yaqbwz-Mwzsih’ couh dwg ‘Ngaihgiz vunz soujsangq’ dih iqswh.)

¹² Gyoengq lwg Yajgoz caemh ciuq daxboh gaxgonq baenzlawz raengq yienghmwnq bae guh lo;

¹³ gyoengqde dawz gij seihaiz daxboh buen maj daengz dieg Gyahnamz, cangq youq manx reih Mwzbijlah dih conghgamj mwnq. (Mwzbijlah caemh gaenh Manqliq.) Manx reih neix caeuq conghgamj mwnq dwg Yaqbwzlahhanj laeng Hijfuzlwnz, Hwz cuz vunz, cawx ma guh diegmoh he.

¹⁴ Yozswz cangq daxboh de ndei le, couh caeuq gyoengq beixnuengx de caeuq gij vunz daeuj camhgyah oksang he cungj itheij maj Ngaihgiz lo.

Yozswz vued doengh daeggo de

¹⁵ Daxboh Yozswz rai le, doengh gyoengq daeggo de ndaw sim cungj heiq memmem lau raixcaix, aenvih daxboh gaenq mbouj youq lo. Gyoengqde naeuz: “Hauhnaeuz Yozswz cungj lij haenq gyoengqraeuz, ciuq luj gaxgonq gyoengqraeuz doiq de baenzlawz yiengh, de caemh baenzlawz yiengh doiq gyoengqraeuz nex, raeuz ij baenzlawz guh?”

¹⁶ Gyoengqde yienghneix naeuz le, couh cingj vunz bae bang naeuz Yozswz ni, naeuz: “Daxboh ijvanh rai mwhde, raengq naeuz:

¹⁷ ‘Naeuz Yozswz ni: “Gaxgonq doengh daeggo mwngz haih mwngz goq; hawj mwngz nyiuz gyoengqde bax!”’ Raeuz caemh gouz mwngz mienx gij coih gyoengqraeuz! Gyoengqraeuz cungj dwg bouxhoiq Cangqdiq, couh dwg cauqguq daxboh raeuz dih Cangqdiq!” Yozswz dingqri doenghgij vah neix le, couh daej lo.

¹⁸ Gajlaeng doengh daeggo Yozswz caemh bae yawj de, caemh youq dangqnaj de gvih roengz doem bae baiq de sax de, naeuz: “Gyoengqraeuz cungj dwg bouxhoiq mwngz lah.”

¹⁹ Hoeng Yozswz dauq doiq gyoengqde naeuz: “Faenhsou gaejyungh lau; gou mbouj ndaej dingj Cangqdiq law. Cangqdiq cij miz gienz saemj faenhsou, fad faenhsou lah.

²⁰ Baenjlaiz faenhsou ij haih gou, hoeng Cangqdiq doiq raeuz ndei; de dauqfanj daj gienh saeh neix bienqbaenz seizneix dih yienghneix, vihliux ndaej baux ndaej haujlai vunz dih mingh.

²¹ Sojhij faenhsou gaejyungh lau.” De caiq sim'unq hwj vued gyoengqde naeuz: “Faenhsou coengqsim bax; gou baenzbaenz cungj ij goqhoh ndei faenhsou caeuq gij lwg faenhsou.”

Yozswz rai

²² Yozswz caeuq aen gyahcuz daxboh de laemxdaemh youq Ngaihgiz youq. Yozswz souh ndaej daengz bakit bi.

²³ De lij lix mwhde, ndaej raen Hijfazlenz dih lwg caeuq lan, caemh dawz daeglan Majnazsih, couh dwg Majgiz hih lwg, gvi haeuj bonjfaenh de.

²⁴ Yozswz doiq gyoengq vunz ndaw gyahcuz de naeuz: “Gou ijvanh rai lo, hoeng Cangqdiq itdingh daeuj bang faenhsou, daiq faenhsou bae daengz de gaxgonq dapwngq hawj goenggeq hah, daxgoeng hah, caeuq daxboh hah, caeuq faenhsou hah dih gaiq dieg mwnq bae.”

²⁵ Yozswz caiq raengq gij lwglan Hijswzlez, couh dwg gij lwglan Yajgoz, naeuz: “Faenhsou ij baujcingq, daengz mwh Cangqdiq daeuj bang faenhsou, daiq faenhsou bae hih mwhmwnq, faenhsou itdingh ij daiq gij ndok gou gaen faenhsou bae.”

²⁶ Yozswz youq Ngaihgiz souh ndaej bakit bi le, couh rai gvaqseiq lo. Gyoengq vunz aeu yanghliuq ma dawz gij seihaiz de loengh hwj mbouj hawj de naeuh le, couh coengq haeuj gyaeuhfaex bae lo.