Lizsij dih Gaihcij 49 - Gij Baujcingq Moq Caeuq Geij Bonj Gij Baujcingq Daeuzdaeuz

Yajgoz ceiqhaeuq caeuq gyoengq lwg de gangj vah

¹ Yajgoz hawj gyoengq lwg de daeuj doxcomz. De doiq gyoengqde naeuz: “Faenhsou veiz goqdaeuj dep gou, daengj gou naeuz faenhsou ni faenhsou baezneix ij roeb daengz gijmaz saeh.

² Daeuj bax, gyoengq lwg gou! Faenhsou ij yaek rwz hwj dingq daxboh faenhsou Hijswzlez gangj dih vah.

³ Lijbenq hax, mwngz dwg lwgdaeuz gou, Dwg gou ndang ceiq cangq mwhde seng he. Baenjlaiz ing'yungz raixcaix, goengrengz ak goq vunz.

⁴ Hoeng, mwngz luj raemxrongz yienghmwnq fan loedloed, Mbouj ndaej gungjciq bonjfaenh, couh mbouj ndaej baiz daixdaeuz lo, Aenvih mwngz caeuq yahnoix boh mwngz ninz, loengh uq aen congz boh mwngz.

⁵ Sihmenj caeuq Liqveiq luj doxcaemh con doengzvaq he; Gyoengqde gaj vunz haih mingh dangq guxcaemz.

⁶ Gou mbouj caeuq gyoengqde miz yimhmaeuz, Mbouj gaep gyoengqde guh doih, Aenvih gyoengqde aeuqheiq couh gaj vunz, Caemh seizbienh raemj gat nginz ha cwz.

⁷ Gyoengqde yakyak rwixrwix, wnggai mang; Gyoengqde doegdoeg siebsieb, wnggai fad. Gou mbouj faen faenh dieg hawj gyoengqde, Hawj gyoengqde ngaiz sanqsa cab youq dieg Hijswzlez, Sanqsa youq ndaw Hijswzlez vunz.

⁸ Youzdaq hax, gyoengq goengjlungz nuengxau mwngz ij haenh mwngz. Gij fawz mwngz ij nap dawz gij hoz dizyinz; Gyoengq goengjlungz nuengxau mwngz ij sax mwngz.

⁹ Lwg gou Youzdaq hax, mwngz luj duz caiceij rangz, Gaemh ndaej doenghduz, gw sat caiq ndwn bakcongh; Luj duz caiceijdaeg ninz hwj soh rangxrangh, Luj duz caiceijmeh, mij vunz gamj doengh de.

¹⁰ Youzdaq gaem gienz mbouj rox duet, Vuengzdwngx mbouj liz song fawz de. Fanh guek cungj ij lau de, Couh ij nab doxgaiq hawj de; Fanh guek cungj ij sax de.

¹¹ De baenxlai fouq, miz baenxbienh go buzdauz, Seizbienh lamh duz lawz haeuj go buzdauz bae, Dawz duz lawzlwg lamh youq go buzdauz ceiq ndei he. De youq ndaw laeuj buzdauz saeg buh, Youq ndaw raemx buzdauz saeg buhbauz.

¹² Song cehra de hoengz, dwg vih gw laeuj, Diuz faenz de bieg, dwg vih gw nauq yiengz.

¹³ Sihbuqlwnz ij youq henz haij; Baezneix henz haij, de ij guhbaenz sokruz. Dieg de ij iet daengz Sihdoenq.

¹⁴ Hijcazgyah luj duz lawz hoenz hwdhwd Bomz youq cungqgyan de doz hih doxgaiq.

¹⁵ De raen mwnq dieg ndaej yietbaeg neix dwg dieg ndei, dieg biz; De couh gijmaz naek cungj nyienh dang, Baenz boux guh hong naek dih hoiq.

¹⁶ Gannaeuz Danq ngamq miz daeglwg dog lah, Hoeng, de caemh ndaej luj gij goengjlungz nuengxau de ityiengh, Caemh ndaej gag saemjbuenq gij vunz bonjfaenh.

¹⁷ De luj duz ngwz henz roen, Caemh luj duz ngwzdoeg ndaw nyaengq; De haeb din max, Hawj boux gwih max fan roengzma.”

¹⁸ Yajgoz gangj daengz dineix le, sawqmwh hemq hwnjdaeuj naeuz: “Yehhozvaz hax! Gou muengh mwngz hawj di rengz hawj gou, hawj gou ndaej gangj di vah haem liux bae bax!”

¹⁹ Yajgoz caiq laemxdaemh naeuz: Gyahdwz ij ngaiz gyoengq caeggeq boenq. De ij fanj fawz hoenx gyoengqde.

²⁰ Yaqsez dih dieg ndaej ok miz fungcuk dih doxgaiq; De miz gij ndei gw ndaej hab soengq hawj goengjvuengz hwj.

²¹ Nazfuzdahliq luj duz loegmeh mbwj cug mbwj lamh. De seng duz loeglwg youh gyaeu youh ndei.

²² Yozswz luj go mak henz mboq, Dawz mak bek roemxroemx. Gij nge de iet ok rog ciengz.

²³ Naqgung ceq de, Siengj haih de,

²⁴ Hoeng de dawz naqgung mbouj saenz; Gij fawz de seuq setset, Couh dwg aenvih Cangqdiq, Cangqdiq dwg Hijswzlez dih boux dajciengx, Hijswzlez dih rin, Dwg gou, Yajgoz, gingqbaiq dih akak rengzrengz dih Cangqdiq Soengq gij rengz hawj de.

²⁵ Baujcuk baujyouh daxboh mwngz dih Cangqdiq bang mwngz; Akak rengzrengz gaiqgaiq cungj ndaej guh daengz dih Cangqdiq soengq fuk hawj mwngz. De ij dawz sojmiz dih gwnzmbwn lajdeih dih fuk soengq hawj mwngz, Hawj gij vunz mwngz hwngqhwngq seiqseiq, Cwzcwz yiengzyiengz baenx gyoengq baenx gyoengq.

²⁶ Doenghgij daj cojgoeng mwngz louz roengzma hih hoh fuk, Beij bya vanzlij gaenj; Doenghgij hoh fuk neix couh cenz daengz Yozswz. Yozswz youq gij goengjlungz nuengxau ndaw de, de luj lwg goengjvuengz.

²⁷ Benqyajminj yak luj duz langz. Doengxhaet gyan gw de dwk ndaej dih doenghduz; Doengxhaemh dawz de dued ndaej dih doenghduz faen hawj gij doih de.

²⁸ Gij neix couh dwg Yajgoz doiq cibngeih daeglwg de gangj hih vah. De doiq moix it boux gangj hih vah cungj dwg hab gyoengqde. Cibngeih daeglwg neix caemh bienqbaenz Hijswzlez dih cibngeih aen cuz.

²⁹ Yajgoz vanzlij raengq gyoengq lwg de, naeuz: “Gou ijvanh rai gvaqseiq lo; faenhsou ij dawz gou moek youq mwnq cojgoeng gou mwnq, couh dwg ndaek conghgamj manx reih Hijfuzlwnz mwnq.

³⁰ Manx reih caeuq conghgamj mwnq couh dwg youq dieg Gyahnamz dih Mwzbijlah gaenh Manqliq he, dwg daxgoeng gou laeng Hwz cuz vunz hih Hijfuzlwnz cawx ma guh diegmoh he.

³¹ Daxgoeng gou, Yaqbwzlahhanj caeuq daxbuz gou Sajlah moek youq mwnq, bohmeh gou Hijsaj caeuq Liqbwzgyah caemh moek youq mwnq; gou caemh dawz Liqyaq, daxmeh Lijbenq, moek youq mwnq lo.

³² Gij dieg mwnq caeuq conghgamj mwnq cungj dwg dajlaeng Hwz cuz vunz cawx ma he.”

³³ Yajgoz raengq gyoengq lwg de doenghgij vah neix le, couh doiqyungz dawz gij ha de coengq hwnj gwnz congz bae, couh rai gvaqseiq lo.