Lizsij dih Gaihcij 14 - Gij Baujcingq Moq Caeuq Geij Bonj Gij Baujcingq Daeuzdaeuz

Seiq goengjvuengz caeuq haj goengjvuengz doxhoenx

¹ Mwh Amqlahfeih guh Siqnaz hih vuengz, Yaqloz guh Hijlahsaj hih vuengz, Gihdaqlaujmaj guh Hijlanz hih vuengz, Dizdaz guh Gohyinq hih vuengz hih mwhde,

² seiq goengjvuengz neix doxgaep hwj daiq bing bae hoenx haj aen singz hih vuengz, couh dwg goengjvuengz Sojdohmaj, Bijlah; goengjvuengz Ngozmohlah, Bijcah; goengjvuengz Yazmaj, Siqnaz; goengjvuengz Sijbenj, Canqhijbez; caeuq goengjvuengz Bijlah. (Bijlah couh dwg Sojwj.)

³ Gyoengq bing haj goengjvuengz neix bae gumh Sihdingh doxcomz. (Gumh Sihdingh couh dwg Yienz Haij.)

⁴ Doengh goengjvuengz neix, gyoengqde ngaiz goeng Gihdaqlaujmaj guenjciq baenx cibngeih bi, hoeng daengz daixcibsam bi le, gyoengqde couh fanj hwnjdaeuj, mbouj fug de guenj.

⁵ Yiengq daengz daixcibseiq bi, goeng Gihdaqlaujmaj caeuq sam goengjvuengz caeuq de doxndei he couh daiq bing bae doxhoenx. Gyoengqde bae daengz mwnqlaw hoenx mwnqlaw, bae daengz Yaqdwzliz-Gyahningz, hoenx ndaej hingz gij vunz Liqfazyimh cuz, caiq daengz Hahmwz cix hoenx ndaej hingz gij vunz Suhsih cuz, caiq daengz Gihlezdingz hih mwnq bingzyienz mwnq cix hoenx ndaej hingz gij vunz Hijmij cuz,

⁶ caiq daengz Sih'wj canhgih, caemh hoenx ndaej hingz gij vunz Hozliq cuz, vanzlij boenq gyoengqde bae daengz gaenh aen ndoi henz Ihlwz-Bahlanz mwnq.

⁷ Gajlaeng gyoengqde caiq ma daengz Anh-Mizbah (couh dwg Gyahdihswh) hoenx ndaej hingz gij vunz Yaqmajliz cuz, caeuq gij vunz Yaqmohliq cuz youq Hahsijsoenh-Dahmaj he, ciengj aeu gij dieg gyoengqde.

^8-9 Yiengq goengjvuengz Sojdohmaj hah, Ngozmohlah hah, Yazmaj hah, Sijbenj hah, caeuq Bijlah hah, haj aen singz neix dih vuengz cungj daiq bing bae daengz gumh Sihdingh doxcomz hwj demq [9a]goeng Gihdaqlaujmaj caeuq doengh goengjvuengz caeuq de doxndei mwnq daeuj, [8b]caemh ij hoenx gyoengqde, [9b]couh dwg seiq goengjvuengz caeuq haj goengjvuengz doxhoenx.

¹⁰ Mwhmwnq, youq gumh Sihdingh dauqcawq cungj dwg baenx u baenx u lizcingh. Gyoengq Sojdohmaj caeuq gyoengq Ngozmohlah hoenx saw le, ijsiengj riq deuz, yiengq ngaiz doek roengz u lizcingh bae mbouj ndaej riq deuz. Lij lw hih vunz cungj buekmingh riq hwnj bya bae deuz.

¹¹ Yiengq, seiq goengjvuengz couh duet aeu Sojdohmaj caeuq Ngozmohlah song aen singz neix sojmiz hih doxgaiq caeuq haeux.

¹² Ngamqluj mwhde, Lozdwz, daeglwg daeg nuengxau Yaqbwzlanz, youq Sojdohmaj Singz youq, sojhij daiqlienz de caeuq de sojmiz hih doxgaiq cungj caemh ngaiz gaemh ngaiz duet bae liux.

¹³ Gajlaeng, caeklaiq miz boux he ndaej deuz okma, bae naeuz Yaqbwzlanz ni gienh saeh neix. Mwhmwnq Yaqbwzlanz cingq youq laeng Manqliq dih byozfaex mwnq youq. (Manqliq dwg Yaqmohliq vunz he.) Manqliq caeuq Hijsizgoz caeuq Yaqnaij sam boux neix cungj dwg beixnuengx he; hauhnaeuz miz maz, gyoengqde caeuq Yaqbwzlanz cungj dwg gaep mbiengj he.

¹⁴ Yaqbwzlanz dingq naeuz Lozdwz ngaiz gaemh bae le, couh majcangq daiq gij vunzhoiq youq ndaw ranz de seng he, sambak itcib bet boux hauxseng ywnqlenq goq rox doxhoenx he, bae req gaen seiq goengjvuengz mwnq; gyoengqde itcig req bae daengz Danq.

¹⁵ Daengz Danq le, de couh caeuq gij vunz de domh lij singjngwnz, faen baenx geij buek hwj gunghoenx dizyinz, hoenx hwj dizyinz cungj riq deuz bae. Gajlaeng de vanzlij boenq gyoengqde, itcig boenq bae daengz Hozbaj. (Hozbaj dwg youq Daqmajswqgwz dih baixbaek he.)

¹⁶ De couh dawz sojmiz ngaiz ciengj bae hih doxgaiq cungj dued aeu ma boiz, caemh ndaej gouq daeglwg nuengxau de Lozdwz, daiqlienz gij vunzbaz hah, doenghheij vunz ngaiz gaemh bae he hah, caeuq de sojmiz dih doxgaiq, cungj caemh ndaej dued aeu dauqma boiz liux.

Mwzgihsijdwz hoh fuk hawj Yaqbwzlanz

¹⁷ Mwh Yaqbwzlanz gunghoenx gyoengqde dauq ma hih mwhde, goengjvuengz Sojdohmaj daeuj daengz gumh Cahveih daeuj ciep de. (Gumh Cahveih couh dwg Gumh Vuengz.)

¹⁸ Caemh miz Mwzgihsijdwz, goengjvuengz Sajlaengj; Mwzgihsijdwz dwg goengjsae dajbwiz hawj gienz akak rengzrengz dih Cangqdiq he. De dawz bingj dawz laeuj buzdauz daeuj ciep de,

¹⁹ caemh hoh fuk hawj de naeuz: “Muengh boux cauh gwnzmbwn sojmiz hih caeuq cauh lajdeih sojmiz dih gienz akak rengzrengz dih Cangqdiq soengq fuk hawj mwngz!

²⁰ Boux hawj mwngz hoenx ndaej hingz hih gienz akak rengzrengz dih Cangqdiq, wnggai haenh!” Gajlaeng Yaqbwzlanz couh dajlaeng bonjfaenh de dued ndaej aeu ma boiz hih doxgaiq, aeu cib faenh cih it daeuj soengq hawj Mwzgihsijdwz.

²¹ Gajlaeng goengjvuengz Sojdohmaj doiq Yaqbwzlanz naeuz: “Gij doxgaiq mwngz hoenx ndaej hingz ma hih cungj dwg gvi hawj mwngz; mwngz caenhgag hawj gij vunz gou hawj gou couh ndaej lo.”

²² Yiengq Yaqbwzlanz han de naeuz: “Gou yiengq Yehhozvaz boux cauh gwnzmbwn caeuq lajdeih sojmiz hih gienz akak rengzrengz dih Cangqdiq baujcingq,

^23-24 famz dwg gij doxgaiq mwngz hih, mboujguenj dwg diuz mae cix ndaej, diuz caghaiz he cix ndaej, gou cungj mbouj aeu. [24]Caenhgag cawzok gij vunzhoiq gou gaenq gw roengzbae hih mij ndaej boiz mwngz, caeuq caeuq gou daeuj hih Yaqnaij hah, Hijsizgoz hah, Manqliq hah doengh boux neix wnggai ndaej hih, gou cungj mbouj aeu saek gaiq, [23b]mienxndaej baezneix mwngz naeuz: ‘Dwg gou hawj Yaqbwzlanz fouq lah!’”